Секторот за внатрешни работи Битола – Надворешната канцеларија за kриминалистички работи Прилеп, во соработка со Единицата за имотен и насилен kриминал од Секторот за општ и насилен kриминал од Оделот за kриминалистичка полиција при БЈБ , до ОЈО Прилеп поднесе kривична пријава против Д.П. (41), М.А. (35) и У.П. (38), сите од Република Србија поради постоење основи на сомнение за сторено kривично дело “разбојништво”, предвидено и казниво во член 237 од КЗ на РМ и против лицата М.К. ( 44) и В.Т. ( 44) од Прилеп поради постоење основи на сомнение за сторено kривично дело “помагање” по член 24 од КЗ на РМ а во врска со член 237 од КЗ на РМ.
На 25.12.2018 год околу 08.45 часот додека вработената во златара „Буба Мара“, лоцирана во старата градска чаршија во Прилеп, го поставувала излогот, второпријавениот го скршил стаклото од влезната врата со помош на чекан и влегол внатре, а по него и првопријавениот, кој вперил пиш тoл кон вработената и почнал да го собира златниот накит од излогот и од сефот во кој имало и торбичка со пари.
Потоа, заедно со третопријавениот, кој ги чекал пред дуќанот избегале со возило Форд Фиеста.
Четвртопријавениот им помагал така што им обезбедувал сместување, храна, мобилни телефони и друга логистика додека тројцата го подготвувале кривичното дело.
Петтопријавениот исто така им помагал со прикривање на возилото Форд Фиеста и друга логистика. М.К. и В.Т се приведени и предадени на ОЈО.
