Во организација на БК „7-ми Мај“ – Прилеп и со поддршка на локалната самоуправа, во спортската сала на СОУ “Ѓорче Петров“ беше одржан, петиот по ред, традиционален, Меѓународен турнир во борење, на кои учествуваа околу седумдесеттина борачи од Бугарија, Косово и повеќе клубови од Македонија, кои се натпреваруваа во различни категории.
Градоначалникот, Марјан Ристески ја посети ова спортска манифестација и им посака на борачите да имаат успешни борби и да победат најдобрите, истакнувајќи при тоа дека преку овие турнири се калат идните борачи за балканските, европските и светските натпреварувања.
„Локалната самоуправа го поддржува овој спорт, а боречкиот клуб “7-ми Мај “- Прилеп направи една одлична традиција, да и овој спорт заживее во градот под Марковите кули, вклучувајќи притоа многу млади и талентирани борачи„ – истакна градоначалникот при посетата на турнирот во борење.
Организаторите најавија дека до година турнирот во борење ќе биде побогат со интернационални борачи. Меѓународниот турнир во борење
традиционално се организира по повод 8-ми Септември, Денот на независноста на Република Македонија.
