Американскиот претседател Доналд Трамп го покани својот руски колега да го посети Вашингтон оваа есен, а патувањето веќе било разговарано, соопштија од Белата Куќа.
Трамп му рекол на својот советник Џон Болтон да го покани претседателот Путин во Вашингтон, стои во соопштението кое го пренесе секретарката на Белата Куќа, Сара Сандерс. “Разговорите се во тек”, вели таа.
In Helsinki, @POTUS agreed to ongoing working level dialogue between the two security council staffs. President Trump asked @Ambjohnbolton to invite President Putin to Washington in the fall and those discussions are already underway.
— Sarah Sanders (@PressSec) July 19, 2018
Трамп и Путин во понеделникот се сретнаа на самит во Хелсинки, што е нивни прв самит откако Трамп ја презеде функцијата во јануари 2017 година. Американскиот претседател потоа наиде на лавина реакции на домашна сцена од страна на опозицијата, од каде беше обвинет дека за време на изборите во 2016 соработувал со Русија.
Вчера Трамп напиша на Твитер дека ја чека втората средба со Путин, на која ќе можат да започнат со имплементација на она што претходно го дискутирале, вклучувајќи запирање на тероризмот, безбедноста на Израел, нуклеарното разоружување, сајбер нападите, трговијата, Украина, мирот на Средниот Исток, Северна Кореја….”
The Summit with Russia was a great success, except with the real enemy of the people, the Fake News Media. I look forward to our second meeting so that we can start implementing some of the many things discussed, including stopping terrorism, security for Israel, nuclear……..
— Donald J. Trump (@realDonaldTrump) July 19, 2018
