Нова цензура на Фејсбук – не смее да се постави ваква фотографија

Изгледа цензурата на Интернет достигна ново ниво на апсурд.

malata-sirena-spomenik-640x427

Имено, Фејсбук, неодамна забрани фотографија на данската скулптура „Мала сирена“ и тоа само затоа што таа – нема облека.

Забранетата скулптура ја направи Едвард Ериксен, а се наоѓа на брегот на Копенхаген од 1913 година, од кога е една од главните туристички атракции на овој град.

Надлежните од Фејсбук велат дека на таа мрежа не е дозволено објавување сексуално експлицитни фотографии што содржат голотија.

Скулптурата „Мала сирена“ е очигледно премногу „необлечена“ за Фејсбук, рече данската министерка Мете Гјерков, која многу пати безуспешно се обиде да ја прикачи фотографијата на оваа социјална мрежа.

Од Фејсбук велат дека не дозволуваат разголени фотографии бидејќи со тоа можат да навредат некои од корисниците на оваа мрежа. Така на пример женски брадавици не е можно да се видат на Фејсбук, освен ако на фотографијата е мајка која дои дете.

Овие правила важат и за уметнички дела.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.