Вчера во дебатниот магазин „Click Plus“ гостуваше потпретседателот на ВМРО-ДПМНЕ, Александар Николовски кој коментираше околу францускиот предлог.
Тој порача дека доколку бил добар предлогот, тогаш премиерот Димитар Ковачевски и целата Влада ќе славеле.
– Зошто се крие од јавноста? Пред две недели кога стигна францускиот предлог се лажеше цела јавност, дека не знаат што е и дека не учествувале во консултации во истиот, за вчера на пратенички прашања Ковачевски да потврди дека знаеле и учествувале. Јас директно го прашав дали во Скопје најмалку три пати крај на мај и почеток на јуни е дојдена француска делегација, и тој потврди дека е така. Да беше предлогот добар немаше во една минута да го прифатат и Румен Радев и Кирил Петков, бидејќи се знае дека особено Радев е екстремен, тие немаше да го прифатат ако ова беше добар предлог за Македонија, потенцираше Николоски.
