Изминативе денови активно се чистат главните сообраќајници во Прилеп. Три цистерни на Јавното комунално претпреијатие “Комуналец” се на терен и ги чистат улиците од аброзивниот материјал кој се посипуваше за справување со снежните врнежи кој го зафатија градот во изминатиот месец.
Постојаното одржување за време на целата година го прави Прилеп најчист град во државата. Граѓаните се задоволни од залагањето на локалните власти и комуналните претпријатија и им годи приматот на најчиста животна средина.
Прилеп е меѓу првите градови кои воведоа селекција на отпадот и посебни корпи за отпадоци и контењери за пластика и хартија, целосно обновен возен парк, проект” Човек -улица”, единствен град што користи технолошка вода за поливање на зелените површини.
Прилеп стана град на прекрасни и огромни паркови: “Могилата на непобедените”, паркот во населбата “Точила”, паркот кај основниот суд, паркот во населбата “Типски”, и во месните заедници.
Спремноста на комуналните претпријатија за справување со отпадот и одржување на чистотата е особено видлива во деновите кога се одржува Фестивалот на пивото. Во тие четири дена едноставно се случува магија, кога преку ноќ снемува тони отпад, а градот е кристално чист пред наредната фестивалска вечер.
А.Г.
