Aко сакате да избегате од загадениот градски воздух, Мариово е вистинската дестинација.
Планинскиот превој Слива се наоѓа на надморска височина од 1.140 метри и е одлична замена за градскиот метеж и бегство од густата магла.
Од пред неколку години на ова место има направено и летниковец од каде има одлична глетка на градот кога воздухот е чист, но и во овие зимски денови глетката е прекрасна, иако широката белина се состои од магла и загаден воздух.
Ова место е мамка за велосипедистите, авантуристите и вљубениците во природата и планината, кои редовно го посетуваат.
Кога веќе сте искачиле до Слива потоа е лесно, Мариовскиот регион ви ја пружа целата убавина. Посетете некое од локалните села, преубавите манастири и цркви и уживајте во недопрената мариовска природа.