Во шестото коло од првата пингпонгарска лига на Македонија, ППК Мадост 96 забележа уште една висока и убедлива победа. Овој пат победена и надиграна беше екипата на Кочани, во Кочани со резултат 5-1. Во натпреварот се влезе крајно мотивирано знаеќи дека само со победа Младост96 останува на чекор до освојување на есенската титула. И овој пат одлични партии прикажаа Александар Рикалоски и Антонио Стомнароски кои имаа по две победи, и М.Иваноски кој извојува една победа и имаше еден пораз. Во последното коло од есенскиот дел, во Прилеп ќе се одигра и дерби натпреварот во првата лига со екипата на Ѓорче Петров од Скопје. Воедно ги повикуваме сите љубители на пинг понгот од нашиот град, во недела да им дадат подршка на пингпонгарите на Младост 96 да извојуваат уште една победа, и во пролетниот дел да стартуваат од челната позиција на табелата.
