Во најновата колумна околу општествено-политички случувања во Прилеп, новинарот Зоран Момироски се осврна на ребалансот на буџетот на општина Прилеп, кој е денеска на дневен ред на седница на Советот.
“Последениот ребаланс на општинскиот буџет за оваа година е на денешната седница на Советот на градот. Од 15 овој месец, до крајот на годинава тече рокот за разгледување и усвојување на новиот Буџет за 2027 година. Со овој ребаланс меѓудругото се предлагаат: дополнителни субвенции за ЈКП Комуналец. Покрај оние 84.000.000 денари со предходните ребаланси, комуналците добиваат уште 11.000.000 денари за реализација на нивната оперативна програма.
Дополнители средства се планирани и за ЈП ПУП и тоа по основ јавен превоз. Ова јавно претпријатие од сегашните 42.000.000 денари, годинава ќе треба да ја затвори со 45.000.000 денари. Во пренамената на средствата ФК Победа до крајот на годинава нема да добие 4.000.000 денари, бидејќи недостигаат соодветни критериуми и правилник за распределба на средства. А за следната година ќе бидат одложени започнатите градежни работи на улиците Трајко Николоски и Орде Чопела и мостот на улицата Победа.
За работата на јавно комуналните претпријатија без притоа да се трошат дополнителни средства од даночните обврзници експертите со свој став: Најголем проблем е што државата не функционира корпорациски. Постојат јавни претпријатија кои покажуваат загуби. Затоа, кога тие ќе почнат да функционираат како друштва со ограничена одговорност ќе мора да изработуваат проекти и ќе мора вистински и професионало да се грижат за своите клиенти-за граѓаните кои редовно ги плаќаат сметките. Е тогаш ќе има пари и за нив да напредуваат и за државата и за здравствено и за пензиско осигурување и за сите општествени појави и потреби. Зошто не се менува системот?! Туку спротивно на економската логика почнуваат да применуваат мерки за штедење и кога на ова ќе се додат и не соодветните кадри кои немаат ни знаење ни познавање како се подготуваат европски проекти,тогаш ситуацијата станува катастрофална. А, со години се применуваат истите методи со кои се потполнуваат финансиските ,,дупки,,од буџетото. А тоа е исто како да се тура вода во пустински песок. И што е од страшното – пострашно никој или ретко кој не одговора за тоа”.
Целата колумна прочитајте ја ТУКА
