Населбата “Бончејца” се крева пpoтив Градоначалникот?

Жителите на населбата „Бончејца“ во Прилеп бараат Општината под итно да превземе мерки и да го дислоцира дивиот пазар кој се наоѓа веднаш до железничкиот премин. 10-тина камиони со препукции на зеленчук и овошје го имаат запоседнато целиот дел од двете страни на железничката пруга. Жителите реагираат дека повеќе не се издржувало од гужвата и миризбата која секој ден се ширела низ населбата, јавува ИнфоКомпас.

„Ова повеќе не се издржува. Миризба од скапан зеленчук и фекалии се шират на сите страни. Пазарџиите уринираат пред зградите. Нејасно е зошто и покрај нашите негодувања и апели досега Општината не превзема ништо. Див пазар функционира без никаква контрола. А бидејќи камионите се паркирани на самата раскрсница каде има и железничка пруга само прашање на време е кога ќе се случи сообраќајна несреќа“, велат жителите на населбата.

Целата фото галерија можете да ја погледнете ТУКА.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.