Како и секоја година така и оваа ЈОУ Градска библиотека„Борка Талески“-Прилеп организираше Награден конкурс за најдобар рецитатор и најдобра лична творба(поезија и проза).Учесници имаше многу, но во првонаградените се најдоа ученичките на СОЕПТУ„Кузман Јосифоски-Питу“ кои се закитија со две први места и едно трето место.
На 12 ноември (сабота) се одржа рецитаторскиот дел и ученичката од втора година-Викторија Цветаноска со песната „Псалм за m-lle Lili“ од Ацо Караманов го доби заслуженото прво место.
На 13 ноември (недела) се одржа вториот дел од Наградниот конкурс за најдобра лична творба,првото заслужено место за најдобар расказ и припадна на ученичката Тамара Мирческа од прва година, а третото место исто за најдобар расказ на Михаела Анастасовска од втора година.
Горди на успесите на ученичките се и нивните менторки,професорките: Цеца Видова -Трајческа и Соња Мирческа како и целиот колектив при СОЕПТУ„Кузман Јосифоски -Питу“.