Менаџерот на клубот сподели детали за вечерта кога исчезна Матеј Периш

Немало никакви инциденти во ноќниот клуб вечерта каде Матеј Периш бил со пријателите пред да исчезне, јави еден од менаџерите на клуб Готик. Тој објасни дека Матеј и пријателите немале никакви инциденти. Ниту тоа друштво, ниту другите гости.

„Слушнав некои небулозни приказни за Матеј како го држат во подрумот на клубот, но, луѓе, тоа е голема глупост. На снимката од камерата јасно се гледа дека тој истрчал д клубот. Впрочем, еден од пријателите на Матеј подоцна во неформален разговор ми призна дека нема замерки за времето поминато во клубот“, изјавил менаџерот, пренесува белградски Курир.

„Клубот не работи по исчезнувањето на Матеј. На сите им беше тешко тоа што му се случи но апсурдно е да ни се препише дел од вината за тоа. Слушнав дека некој објавил дека Веља Невоња ни го држи обезбедувањето на клубот, што секако не е точно“, додава менаџерот на клубот.

Инаку, ноќта меѓу 30 и 31 декември во Белград исчезна 27-годшниот Матеј Периш.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.