Две деца од Дебрешта денеска со амбулантно возило се пренесени од Прилеп, откако испиле апчиња Дијазепам.
Затруените дечиња, братчиња на возраст од 4 и 5 години се наоѓаат на Клиниката за детски болести во Скопје, и нивната состојба е стабилна, а децата се будни.
Семејството утринава ги донеселе децата во болницата во Прилеп, каде е направена детоксификација, но сепак децата се пренесени во Скопје со амбулантно возило.
Во Детската клиника им е укажана севкупна лекарска помош. Од тука велат дека за среќа се работело веројатно за помало количество на апчиња, пренесе ТВ Нова.
Од Клиниката упатуваат апел до семејствата каде има деца, апчињата да се чуваат подалеку од дофат на децата.