Ако мислевте дека само Прилеп има проблем со кучињата скитници, се лажете…
Сакаме туризам, делиме ваучери за туризам, а основните проблеми никако да ги решиме. Проблемот со кучињата скитници се чини го има во сите градови и никој досега не се одлучи да го реши.
После објавата со десетици кучиња во центарот на Прилеп, фотографии стигнаа и од Крушево, каде не е ништо подобро.
Кучињата се шетаат низ рестораните и кафулињата, а општината и таму ништо не прави за да го реши овој проблем
Животните не се криви, тие се невини и не заслужуваат нечовечки однос, туку бараат згрижување и нивно тргање од улица.
Редно е општините да посветат повеќе внимание на овој проблем. Во Македонија има голем број активисти и здруженија кои сигурно ќе излезат во пресрет со совети и помош.
Ако сакаме туризам и во иднина повеќе странски гости во нашите туристички центри, тогаш ова е едно од основните работи од кои треба да тргнеме.
