Во најавата и во текот на ракометниот меч Чешка – Македонија што се игра во рамки на квалификациите за Европското првенство во 2018 година Чешката ракометна федерација го користи исклучиво името Македонија, јавува дописникот на МИА од Плзен.
И покрај тоа што Чесите во последните години во неколку наврати во директен дуел со Македонија загубија мечеви кои одлучуваа за пласман на светски и европски шампионати, домаќините се коректни во најавата за мечот.
Сите домашни медиуми, официјалниот спикер во салата во Плзен каде што се игра мечот и во во рекламите за мечот никаде не се користи кратенката ФИРОМ туку се употребува исклучиво Македонија.