Златното момче Дејан Георгиевски повторно со златен медал, на Г1 светскиот куп, мулти европското првенство во Софија 2019-та.
Овој силен светски куп, Дејан го освојува две години по ред. Силен Г1 турнир со над 2000 натпреварувачи од цел свет. Дејан имаше три борби и три ефективни победи со доминација.
-прва борба против гркот Атанасиос Димотракопулус со 30:1
-втора борба против бразилецот Гуилхерме Цезрио Феликс со 16:10
-трета борба против русинот Олег Кузнетцов со 17:9
Нови бодови за Токио 2020 нов голем успех за македонското таеквондо, уште еден СВЕТСКИ КУП Г1 Е ОСВОЕН. И другите македонски претставници имаа добри настапи. Анамарија Георгиевска успеа да победи прво коло против Русинката Екатерина Митрофанова, но загуби второ коло. Другите загубија прво коло, но сите со одлични борби и тесен резултат.
„За МАКЕДОНИЈА, СО ЦЕЛО СРЦЕ“, порача нивниот тренер Дарко Костовски кој за овие одлични резултати информираше преку својот Фејсбук профил.