Oд денеска и официјално ќе започне со работа итната медицинска помош во Општина Кривогаштани. Општината за прв пат добива итна медицинска помош на својата територија, во објектот кој е во склоп на амбулантата во Кривогаштани кој е целосно преуреден и реновиран за потребите на брзата помош. За почеток ќе работат два тима почнувајќи од 20 до 8 часот наутро, додека започнувањето со целодневна работа се очекува за краток временски период. Со овој проект граѓаните на општината и жителите на соседните населени места од другите општини добиваат огромен бенефит за своето здравје.
