Лидерите на 27 држави членки вчера во Братислава имаа неформален но значаен самит на кој најмногу се разговарало за иднината на ЕУ без Велика Британија, но и за мигрантската криза.
По завршувањето на средбата на лидерите, италјанскиот премиер Матео Ренци одбил да присуствува на пресконеференцијата за новинари заедно со германската канцеларка Меркел и францускиот претседател Оланд. Причината за тоа било тоа што не делат исти ставови околу некои прашања.
Ренци изјави дека на самитот државите не пронашле решение за мигрантската криза, дури воопшто не се ни поместиле од мртвата точка. Тој не е задоволен ни за заклучоците за економскиот раст и за имиграциите.
“Самитот не беше губење на време, но за денешниот документ донесен во врска со мигрантите, да се опише како чекор напред, потребна е фантазија”
Виктор Орбан, унгарскиот премиер изјави дека првиот состанок без Велика Британија не донел промена на миграционата политика на Европската Унија. За оваа политика тој вика дека е “деструктивна и наивна”