Основното училиште “Добре Јованоски” e расадник на талентирани ученици. Доказ за тоа се освоените низа награди на учениците. Од особено значење се наградите од последниот организиран литературен конкурс и рецитаторски натпревар во Градската библиотека “Борка Талески” кој се одржа на 12 ноември . Право на учество имаа сите училишта од нашиот град и соседните општини. Учеството беше поделено во категории.
Првото место во категоријата најдобар рецитатор од I до V одделение и припадна на ученичката Исидора Николоска од IV-5 oдделение за песната “Oчи” од Ацо Шопов, под раководство на нејзината наставничка – ментор Снежана Андоноска.
Во категоријата за најдобра лична творба од IV до IX одделение, учениците ги освоија првите две награди и тоа: Прво место за Марија Христоска од VII-2 oдделение за личната творба “Погледни, природа”, под менторство на наставничката по македонски јазик Моника Трајкоска и второ место за Христијан Јошески од VII-4 oдделение за личната творба “Сила” исто така под менторство на наставничката Моника Трајкоска.
Во категоријата за најдобар расказ од VI до IX одделение, прво место за Елена Николоска од VIII-4 oдделение за расказот насловен како “Помогни секому” под менторство на наставничката по македонски јазик Јагода Волческа.
