Во српското село Јадранска Лешница мештаните покрај оградата во еден двор нашле змија долга околу еден метар. Еден од мештаните, Чедо, кој не се плаши од змии ја фатил без страв, а целата ситуација е забележана со камера. Сепак, сите се запрашуваат што ја натерало змијата да излезе од своето засолниште среде зима.
Мештаните преплашени веруваат дека станува збор за страшно претскажување.
Томислав Чортиќ, мештанин кој ја видел змијата и го снимил целото случување, вели дека селото не памети вакво нешто.
„Разговарав со сосетката која има 70 години и вели дека никогаш не видела змија во зима. И самата беше шокирана кога слушна дека змија ги демне мештаните“, рекол Томислав.
„Видовме голема змија во неделата на 13. јануари, а утредента на Свети Василиј грмеше, па во селото почна да се зборува дека тоа значи почеток на војна од која сите стравуваат“, рекол Томислав.
Додава дека сепак можно е змијата да била намамена да излезе од сонцето кое греелo тој ден.