Испишани се нови страници на фудбалската историја, бидеќи за прв пат престижната награда е доделена од страна на светската Куќа на фудбалот, незвисно од “Франс Фудбал”.
На церемонијата која се одржа во Цирих, избран е најдобриот фудбалер во светот. Цела планета знаеше во чии раце ќе оди наградата, но сепак постоеше мал сомнеж кој сега е отстранет.
Кристијано Роналдо заслужено го доби признанието по освојувањето на Лигата на шампионите и Европското првенство.
-Драго ми е што го освоив пехарот. Многу сум среќен и благодарен сум на сите клубови и репрезентации. Ова е можеби и најдобра година во мојата кариера и само круна по освојувањето на сите трофеи. Моите соиграчи ми овозможија да дојдам до овој трофеј. Многу сум среќен поради овој фантастичен момент. Жал ми е што Меси не е со нас, тој заслужи да ја освои оваа награда, како и Гризман – рече најдобриот играч на планетата.
Ф.Г.
