Прилепскиот прволигаш Победа го доби третото засилување. Ангажиран е 23-годишниот интернационалец од Азербејџан Турал Хумбатов.
Станува збор за играч кој настапува на штоперската позиција, а може да ја покрие и позиција на последен играч за врска.
Хумбатов потекнува од школата на Зенит и е повремен репрезентативец на својата земја, а во Победа доаѓа од екипата на ФК Азал.
Тој е трето засилување на Победа по Борче Маневски и повратникот во клубот Нове Ацески.