Биткоин треската сеуште го тресе светот. Иако многу луѓе сметаат дека криптовалутите се голема измама, факт е дека некои луѓе заработија богатство на тој начин.
Поранешниот градежен работник Даниел Колоси минатата година вложил 5.000 долари во криптовалути. За само неколку месеци заработил 200.000 долари, а се проценува дека овој вид на работа ќе го направи милионер до 2019 година.
Очекувано, дел од парите кои ги заработи од криптовалутите ги потрошил во патување, а планира да се пресели во Тајланд.
Ерик Финман во 2011 година инвестирал 1.000 долари кои ги добил од неговата баба за дванаесеттиот роденден. Според вредноста на криптовалутите денес, тој поседува 4 милиони долари.
Финман се договорил со родителите, ако стане милионер до 18 години да не оди на факултет. Се збогатил толку брзо што родителите му дозволиле да го напушти и средното школо.
Еди Зилан одлучил својата заштеда од 12.000 долари да ја вложи во криптовалути. Три години покасно, на сметката има милион долари.
Потоа ја отворил компанијата “Cryptocurrency Financial”, специјализирана за советување во врска со криптовалутите.
Можеби веќе ви се познати браќата Тајлер и Камерон Винклвос. Тие своевремено го тужеа и Марк Цукенберг поради наводно крадење на идеата за Фејсбук. Бидејќи тоа им пропадна, беа од првите луѓе кои вложуваа во криптовалути. Со оглед на вредноста на биткоинот, близнаците станаа први биткоин милионери во светот.