Фудбалерите на Победа активно се подготвуваат за последните два дуели од фудбалската сезона.
Во недела победашите на стадионот на “Могила” со почеток од 16:30ч. ја пречекуваат екипата на Македонија “Ѓорче Петров” и само сигурни три бода од овој дуел ќе значат добар резултат.
Победа забележа три последователни триумфи изминатите недели и е најуспешен тим во последните 5 кола во Македонската Прва фудбалска лига.
Во екипата се вратија и повредените играчи, па шефот на стручниот штаб Штерјоски нема да има проблеми при составувањето на екипата за клучниот дуел со ѓорчепетровци.
По Шаркоски, кој се врати во почетниот тим, по повредите на тренинзите со екипата се приклучија реконвалесцентите: капитенот Александар Крстески, Филип Најдоски и ,,малерозниот,, Денис Димитриоски, кој по двете повреди (втората обновена) се враќа уште посилен и желен за игра.
Исто така по одлежаната казна во тимот се враќа и Бурхан Мустафов.
Останува да се истрча со срце на терен, да се освојат нови три бода и да се забетонира 7-то место на табелата кое значи сигурен опстанок и избегнување на бараж позицијта.
А.Г.
