Пазарот на мед е исполнет со лажни производи кои се прават од шеќерен или пченкарен сируп, адитив и боја, додека во продавниците има индустриски мед.
Сакале да признаеме или не, високата цена не гарантира дека медот има врвен квалитет. Експертите од оваа област откриваат неколку методи за откривање на лажниот мед.
– Прво што можете да направите е да ставите мед на прстите од раката. Ако прстите се лепат, тоа значи дека медот содржи шеќер и дополнителни вештачки засладувачи. Природниот мед не е леплив.
– Ставете неколку капки мед на хартија. На вистинскиот мед ќе му биде потребно подолго време да ја пробие хартијата бидејќи не содржи вода.
– Наполнете чаша со вода и во неа додајте лажица мед. Природниот мед ќе падне на дното и ќе остане компактен, додека вештачкиот ќе започне да се разложува.
– Намачкајте мед на парче леб. Природниот мед ќе го стврдни лебот за неколку минути, додека вештачкиот ќе го навлажни поради водата која ја содржи.
Ф.Г.
