Премиерот на Албанија Еди Рама, освен по агресивните политички ставови, одамна е препознатлив и по невообичаениот стил на облекување, кој, мора да се признае, не е секогаш соодветен.
Најголемо внимание предизвика во јули минатата година кога на Самитот на Берлинската иницијатива во Трст се појави во бели “адидас” патики и црно одело.
Пред тоа, во мај минатата година, на состанокот на премиерите на Западен Балкан во Брисел се појави во патики и панталони кои повеќе изгледаа на тренерки.
Во август реши да го подобри својот изглед со невообичаена кравата. На самитот на Јадранската повелба одржан во Подгорица, се појави во одело и бели патики, а оваа комбинација ја декорираше со кравата која имаше цветен дизајн.
