Четворица млади тренери прават чуда за гимнастиката во Прилеп: Голем број медали од сите натпревари и трофеј за најдобар клуб (Фото галерија)

Гимнастичкиот клуб “КГС Партизан Соколи” од Прилеп, нескромно и’ покажува на Македонија дека во нашиот град Прилеп има вредни дечиња кои сакаат да се занимаваат со спорт, па и конкретно со гимнастиката.

Гимнастичкиот клуб го водат дипломираните професори по физичко образование, спорт и здравје, Мартина Јездиќ, Ивана Јанкоска, Александра Стојаноска и нашиот првак и виртуоз во машка спортска гимнастика Дино Бошњак, сите ученици на покојниот Златко Ангелески- Лајцата, кој несебично ги прими, научи, задржа и им ја влеа љубовта и убавините на спортската гимнастика.

Овој клуб брои многу членови (повеќе од 40) и на посебна радост на тренерите дваесетина од нив се редовни натпреварувачи на Државните натпревари во А и Б лига.

Во изминатиов период се одржаа и завршните државни натпревари, каде што на 26.10.2019 со медали се закитија:

Ева Јашмакоска – 2-ро место – постари пионерки
Сара Петрова – 1-во место – јуниорки
Стефани Спиркоска – 1-во место – сениорки

Теа Велкоска – 2-ро место – сениорки
Ева Илиоска – 3-то место – сениорки
Ивана Јанкоска – 2-ро место – сениорки

Екипно – помлади пионерки – 3-то место (Сара, Илина, Хана, Стефанија, Михаела, Барбара)
Екипно – постари пионерки – 2-ро место (Ева, Леона, Марија, Стефанија, Ана Марија)
Екипно – сениорки – 1-во место (Теа, Стефани, Ева)

А една седмица после нив во машка конкуренција со медали се закитија:

Александар Наумоски – 1-во место – сениори
Бојан Ристески – 2-ро место – помлади пионери
Матеј Тасески – 3-то место – постари пионери
Дамјан Атанасоски – 2-ро место – млади јуниори

За крај, за потенцирање е информацијата дека на Државното првенство во повеќебој во Охрид “КГС Партизан Соколи” беше прогласен за најдобар клуб во женска спортска гимнастика.

Со тоа успешно заврши и оваа спортска година за прилепскиот гимнастички клуб, а од клубот се надеваат дека признанието за најдобар гимнастичар/ка на годината во одредена категорија на ниво на држава, да припадне на некој член од нивниот клуб.

Им честитаме и им посакуваме уште повеќе успеси наредната година!


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.