Прилеп не доби нови возила за брзата помош од новите 12

Министерството за здравство информира дека се пуштени во употреба новите шест возила за Итната медицинска помош (ИМП) при Здравствен дом Скопје. Амбулантните возила се регистрирани, доопремени со потребната медицинска опрема и од синоќа се во функција за потребите на граѓаните на градот Скопје и околните места. Со овие возила, за 100 проценти е зајакната ИМП.

Останатите шест амбулантни возила, наменети за Здравствен дом Крушево, Здравствен дом Крива Паланка, Здравствен дом Берово, Здравствен дом Кичево, Општа болница Струга и Општа болница Дебар ќе бидат пуштени веднаш по завршување на административно-техничките работи.

Во отворена и транспарентна постапка, Министерството за здравство набави 12 нови возила за Итната медицинска помош и заштеди 12 милиони и 240 илјади денари или околу 200 илјади евра.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.