Најбогатите луѓе во светот за еден ден загубиja цели 139 милијарди долари

Најбогатите луѓе на светот во понеделникот изгубиле 139 милијарди долари поради загриженоста на берзите дека коронавирусот ќе ја потресе светската економија, соопшти агенцијата “Блумберг”.

Ова е најголема загуба за најбогатите жители на планетата од 2016 година досега.

Така генералниот директор на компанијата “LVMH”, Бернар Арно, како и директорот на “Амазон”, Џеф Безос, останале без 4,8 милијарди долари.

Сопственикот на “Зара”, Амансио Ортега, загубил 4 милијарди, а Марк Закерберг, основачот на “Фејсбук” 3,48 милијарди долари.

Сметката на останатите милијардери од листата на првите 10 е за минимум 2,3 милијарди долари помала од претходно.

Американските берзански индекси на крајот од тргувањето во понеделникот паднаа за повеќе од 3%.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.