Oткако жители од повеќе населби во Прилеп се пожалија дека немаат вода за пиење, со кратко соопштение попладнево се јавија и од ЈКП Водовод и канализација.
-Ве известуваме дека поради непланирани технички проблеми, притисокот во мрежата во одредени делови во градот ќе биде намален. Нашите стручни екипи работат на санација на истите и очекуваме дека во вечерните часови ќе дојде до нормализирање на состојбата. Се замолуваат граѓаните за разбирање и апелираме за рационално користење на водата за пиење, стои во краткото соопштение.
