Хрватска планира во наредните неколку години да изгради автопат за велосипеди во должина од 121 километар по течението на реката Сава.
Стазата ќе се гради во рамките на проект со кој се промовира одржливата урбана мобилност, локалните убавини и активниот туризам.
Со велосипед ќе може да се вози покрај течението на Сава, поточно од границата со Словенија, па се до Иваниќ Град.
Изградбата на овој мега проект за велосипедисти е планиран во 9 фази, а ќе започне преку пилот проект кој ќе ја финансира фазата број 5 – од Арената во центарот до пешачко-велосипедскиот мост. Со тоа тој дел ќе се поврзи со велосипедската инфраструктура во Загреб.
Вредноста на проектот е проектирана на 16,3 милиони евра, од кои 85% ќе ги финансира Европската Унија, а 15% ќе ги покријат Градот Загреб и Загребачката жупанија.
