Во светот постојат 195 држави, а Македонецот Борјан Зафировски до својата триесет и две годишна возраст успеал да посети и прошета речиси половината, односно дури 88 од нив.
Полн со интересни впечатоци и импресии, тој одлучи да сподели со НетПрес неколку од неговите омилени доживувања. Борјан успеа да ни го отвори прозорецот кон најнедостапните пустински места, а и да не’ запознае со најголемите планински вериги. Но, дали е ова најпрошетаниот Македонец, одлучете вие…
Кина – Одлична за живеење и најбезбедна држава во светот
Скопјанецот Борјан, живее во Кина повеќе од четири години и вели дека е презадоволен. Живеел и во Италија, Германија и Австралија, но се пофали дека во Кина дефинитивно му е најпогодено и според него таму најубаво се живее.
„Кинеската храна е превкусна, а Кина како држава би можел да кажам дека е една од најбезбедните во светов. Кинескиот јазик е неверојатно тежок , но сепак успеав да стигнам до ’флуент левел’.
Инаку, во 2017-та година, Борјан се оженил со Кинескиња и среќно живеат во главниот град, Пекинг.
Секој викенд во парковите низ цела Кина се собираат постари лица, чии деца сеуште не се мажени/женети (а им е време) и носат ливчиња на кои пишува краток опис за сопственото дете и на тој начин наоѓаат компатибилен сопатник. Токму на овие места може често да се случи да се договорат бракови меѓу две фамилии.
Ако некој од Македонија сака да си ја проба среќата со Кинескиња, слободно може таму да ја бара“, се пошегува Борјан.
Африка – Вистинско место за природа и средба со животните
Борјан ја избра Африка како омилена дестинација во последните години наназад.
Се работи за многу интересен континент, и освен средба со необични култури и начин на живот на луѓето, Африка пред се’ нуди прекрасна природа, пејсажи и сафари, односно можност за средба со различни диви животни и адреналински доживувања, раскажува Борјан.
Целото интервју прочитајте го ТУКА
