Легендарниот фудбалер на Барселона, Роналдињо, повторно се врати на „Камп Ноу“, но овој пат во сосема друга улога.
Kако што вечерва соопшти клубот, Бразилецот ќе биде амбасадор на клубот и ќе се потруди да помогне во бројните проекти, кои се поврзани со промовирањето на Барса како бренд ширум светот.
Денес со почеток од 17.30 часот Роналдињо беше претставен на официјална прес-конференција, на која повторно по пауза од девет години како член на Барса им се обрати на јавноста и на фановите.
Пред да биди претставен Роналдињо се сретна со нашиот капитен Кире Лазаров, а предводникот на македонската ракометна репрезентација објави фотографија со својот фудбалски идол на Фејсбук.
Бразилскиот виртуоз како фудбалер во каталонскиот клуб настапуваше од 2003 до 2008 година.