На 21.03.2016 год. учениците од Гимназијата „Мирче Ацев“ го одбележаа Денот на екологијта и пролетта. Под мотото „Еко-ден сите заедно“ беа организирани повеќе активности и тоа: уредување на кабинетите,спортските сали и училишниот двор, ученички натпревар за најдобар рецитатор, се рецитираа стихови за пролетта, ученички натпревар за најдобра лична творба на тема „Ја сакам пролетта“, ликовен натпревар, спортски натпревари, а за пролетта и екологијата учениците пишуваа мисли на англиски и германски јазик.
На овој отворен еко-ден учевство зедоа и родителите со што имплиментиран беше и проектот на МОН „Заедничка грижа за правилно насочување на учениците“.
Жири-комисијата во состав Желческа Даниела –родител, Димоска Тања-родител, Патоски Панче-претседател на Младинската заедница на училиштето, Парапанска Надица –претставник од Младинската заедница на училиштето и Ленка Јованоска –професор по македонски јазик и литература имаше тешка задача но сепак ги одбра најдобрите и тоа:
- Во категоријата најдобар рецитатор најдобар беше заедничкиот настап на Елеонора Михаиловска и Давид Гагалески
- Во категоријата најдобра лична творба најдобра беше Симона Паскоска и нејзината песна „Пролет“.
- За ликовна творба најдобри беа Наталија Аризанкоска и Борјана Конеска.
- Најубава мисла за природата и екологијата на англиски јазик напиша Леонардо Лазов
- Најубава мисла на германски јазик напиша Теодора Стеваноска.
- Меѓу спортистите најдобар спортист беше Марко Нанески
- Најдобра спортистка беше Марија Спасеска.
Овој отворен еко-ден беше ден на чиста околина, Сонце, другарување, музика и насмеани лица. Целта на овој настан беше подигнување на еколошката свест кај младите.
За реализацијата на настанот одговорни беа: Светлана Барлакоска -педагог во училиштето и професорите: Весна Михаиловска, Ленка Јованоска, Весна Илиеска, Бети Наумческа, Гордица Димитриевска Груеска, Николче Богданоски, Татјана Иваноска, Анкца Стеваноска Јанческа и Дејан Стерјоски.