дома блог страница 896

Дошле да работат во Прилеп, па избегале: На прилепски газда му заминале работничките од Непал

На 07.04.2024 го 21:57часот во Полициската станица Прилеп, Д.Н. пријавил дека четири државјанки на Непал, Л.С.(29), Б.К.П.(26), С.С.М.Т.(29) и С.Р.М.(29), кои биле во работен однос со склучен договор во неговата фирма, од околу 19:00часот на 06.04.2024 не се вратиле во куќата во која престојувале во Прилеп.

Се преземаат мерки за пронаоѓање на лицата – стои во соопштението од СВР Битола.

Притвор за три лица кои претепаа сопственик на кафуле во Прилеп

ОВР Прилеп до Основното јавно обвинителство Прилеп поднесе кривична пријава против С.М.(21), О.И.(26) и А.А.(34), сите од Прилеп, поради постоење основи на сомнение за сторено кривични дела „насилство“ по член 386 и „тешка телесна повреда“ по член 131 од Кривичниот законик. Тие се сомничат дека на 05.04.2024 околу 19 часот во близина на Градскиот часовник во Прилеп физички го нападнале С.Ч.(54) од Прилеп и му нанеле тешки телесни повреди.

По преземени мерки, набргу биле лишени од слобода и против нив е поднесена пријавата, а судија на претходна постапка им определи мерка притвор – информираат од МВР.

Новата детска приказна за ран детски развој на Еду “Шампиони” пристигна во Прилеп, и е место во кое сонот на секое дете станува реалност (Фото галерија/Видео)

Новата детска приказна на Еду Шампиони за Ран Детски Развој пристигна во нашиот град, и е место во кое сонот на секое дете станува реалност, растат среќни деца и се гради силна основа.

ЕДУ “ШАМПИОНИ” ви нуди:

👉секојдневен престој на деца од 2.5 до 6 години;
👉попладневни едукативни активности и работилници за деца од 3 до 11години;
👉попладневно кафе за родители во игротеката додека ние се грижиме за децата;
👉саботен престој исполнет со многу игра, креативни едукативни работилници;
👉роденденски прослави;

Дел од АКТИВНОСТИТЕ се прикажани на следните фотографии:

Ја фатил работата рано-рано: Прилепчанец ограбил продавница во 5:30 наутро

На 07.04.2024 во 10.50 часот во Прилеп, полициски службеници од ОВР Прилеп го лишиле од слобода Џ.П.(41) од Прилеп. Тој се сомничи дека околу 05.30 часот извршил „тешка кражба“ во продажен објект во Прилеп, при што одзел повеќе производи. Одземеното било пронајдено и вратено на сопственикот, а лицето било задржано во полициска станица.

По целосно документирање на настанот против него ќе биде поднесена соодветна пријава – информираат од ОВР Прилеп.

(ВИДЕО) Maкедонците го освоија Скадар: 17-годишниот Матеј Чатлески од Прилеп стигна до првата профи победа

На 06 април во Скадар, Р.Албанија се одржа професионална боксерка ревија организирана од промотерот Нелсон Хиса.

На овој настан учествуваа двајца наши боксери од Македонија.

Во борба од 4 рунди во лесно тешка категорија 17-годишниот Матеј Чатлески oд Прилеп, дебитираше против Стефан Марич од Р.Србија. Чатлески прикажа одлична борба со добра боксерска техника. Сите четири рунди беа со размена на удари од двете страни. Во втората рунда Марич доби нокдаун од Чатлески. На крајот со едногласна одлука на судиите победата му припадна на младиот прилепски боксер.

Тоше Цветков во тешка категорија дебитираше против Анел Балич од БиХ. Во првата рунда Цветков беше доминантен и надмоќен над Балич. На крајот од првата рунда тренерот на Балич беше принуден да ја прекине борбата поради повреда. Со технички нокаут во првата рунда Цветков го победи Анел Балич.

Честитки за борците од “Про Бокс Македонија”, и да им посакаме овие деби борби да бидат само почеток во нивната понатамошна успешна спортска кариера.

Репертоар на прилепскиот народен театар “Војдан Чернодрински” Прилеп – Две претстави на програмата оваа недела

-петок, 12.04. 2024 – 20.00 ч. – „АУДИЦИЈА“

-сабота 13.04.2024 – 20.00 ч. – „ДУПЛО ДНО“

Влезници на телeфонскиот број: 076 442 378

Срамен резултат: Прилепската фаланга разоружана и понижена во Битола

Ракометарите на Еурофарм Пелистер 2 забележаа витална победа во борбата за опстанок во лигата и го совладаа соседниот Прилеп со 32-21 (15-12). Битолчани водеа од првата до последната минута, па победата во ниту еден момент не беше доведена во прашање.

Митревски со седум и Хаџиќ со шест гола беа најефикасни кај битолчани, додека осум кола за Прилеп постигна Органџиев.

Oва е прв пораз за прилепчани во плеј-аут разигрувањето, па после седум одиграни кола им го препуштија првото место токму на битолчани, со кои имаат ист број бодови, но пелистерци имаат подобра гол разлика.

Во наредното коло РК Прилеп гостува кај Скопје.

Лекари кои се и ангели чувари: По 4 часа во операциона сала и обилно крварење кај пациентка, спасена и мајката и бебето

По повод Светскиот ден на здравјето 7 Април, на Интернационалниот конгрес ICRC за ретки случаи, одржан во Скопје во организација на Македонското лекарско друштво, д-р Александар Јовановски, специјалист гинеколог-акушер во болницата “Плодност” во Битола, одржа предавање за редок и тежок случај кај пациентка, кој успешно беше решен.

Во продолжение целосното соопштение од болницата “Плодност”:

-Пациентка, на 40 години, на која претходно не и била дијагностицирана коагулопатија, се породува со царски рез во нашата болница, поради бебе од 4 килограми, но со обилно постпартално крварење.

Д-р Владимир Поповски, по 4 часа во операциона сала, успева да и го спаси животот на родилката, а при тоа и нејзината матка. По овој случај, пациентката добива совет да оди на трансфузиолог, каде и е дијагностицирана коагулопатија (намалена способност за згрутчување на крвта).

Втората бременост на пациентката е водена од д-р Александар Јовановски. Трансфузиолог дава препорака за терапија, која сепак би била недоволна за пациентката да може нормално, без крварење, да се породи. Со конзилијарна одлука на д-р Александар Јовановски, д-р Владимир Поповски и анестезиологот д-р Филип Трајковски, се дава правилна и потребна терапија.

Пациентката се породува со царски рез по втор пат, без крварење и без никаков проблем си заминува од Болница Плодност.

Сега, пациентката има синче од 3 години и ќеркичка од неколку месеци. Во двата нејзини случаи, благодарејќи на знаењето и искуството на медицинскиот тим и можностите кои ги нуди Болница Плодност, таа добива беспрекорна и посветена медицинска заштита ви најранливите моменти од нејзиниот живот.

За нашиот врвен медицински тим, најголем подарок е сигурноста, која пациентката ја чувствуваше во нивните раце, во текот на двете бремености.

(ФОТО) Ластовичките пристигнаа, пајките си заминаа, ги избрка ЈКП Комуналец Прилеп – Паркот кај судот во очајна состојба

На социјалните мрежи граѓани објавија фотографии од очајната состојба во која се наоѓа еден од најпосетуваните паркови во Прилеп.

Паркот пред Основниот суд е целосно запоставен, ги нема пајките, тревниците се руинирани, езерцето е претворено во бара….

Крајно време е комуналците да се сетат и да го вратат сјајот на ова семејно катче, во кое уживаат голем број дечиња со нивните родители, баби, дедовци…

Пендаровски тргна против цел народ: „Немајте верба во луѓето кои насилниците ги нарекуваат уставобранители”, порача од Охрид

„Нам никога не ни паднало на памет да ги тепаме другите пратеници, но опозицијата тоа го направи на 27 април. И денес најавуваат дека тие насилници ќе добијат амнестија, дали ви се верува?“ запраша претседателот Стево Пендаровски на граѓанската трибина во Охрид.

Тој додаде дека партијата која во 2012 ги избрка новинарите и пратениците од Собрание, а во 2017 засилени со толпа која тие ја организираа тепаа пратеници и ги доведоа до работ меѓу живот и смрт сега ќе ги амнестирале насилниците.

„Немајте верба во луѓето кои насилниците ги нарекуваат уставобранители, а нас не нарекуваат предавници. Не верувајте во луѓе кои велат дека тие се патриоти, ние изроди. Не верувајте на луѓе кои сакаат да се доберат до власт и после да владеат како ништо да не се сменило од 2017 година. Од вас барам масовна поддршка и мобилизација, затоа што мое длабоко уверување е дека на 24 април ќе се оцртаат и знаат и резултатите од 8 мај“ рече Пендаровски.

Претседателот додаде дека добро е да се покаже на оние кои не мислат добро и даваат вакви испробани модели, да им се покаже дека просперитетот на народот и државата се поважни.