Пресли е куче кое има неверојатни 90 килограми, а верувале или не се плаши од се. Го споредуваат со Скуби Ду, бидејќи се плаши од се што ќе помине покрај него.
– Пресли е дефинитивно најплашливото куче. Иако е толку голем се плаши и од помали кучиња, вели сопственичката.
Поглденете го…
За престапна година се смета онаа која има 366 дена, еден ден повеќе од останатите години, а февруари има 29 дена.
Сето ова се случува поради ускладување на календарот со астрономската година. Годината која штотуку почна е токму таква, престапна. За секоја престапна година се врзуваат разни суеверија, па така на пример во минатото Балканците сметале дека во текот на престапна година не треба да се венчаваат. Тие велеле дека овие бракови не траат долго. Доколку пак дојде до венчавка, треба девојката да го побара момчето, а ако тој одбие мора да и подари бакнеж и свилени ракавици.
Интересно е дека за децата кои ќе се родат на 29 февруари ги нарекуваат „престапни деца“ и тие слават роденден секоја четврта година.
Во Ирска е пропишано со закон, децата кои ќе се родат на 29 февруари да се наградат со по 100 фунти.
Доколку се занимавате со овоштарство треба да обрнете внимание. Се верува дека овошјето кое ќе се засади во престапна година раѓа секоја втора година, па можеби дури и секоја четврта година.
Но, доколку навистина морате годинава да засадите овошје, плодовите ќе ги берете само ако го засадите на пролет, не на есен.
Крушево нуди прекрасни услови за скиjaње од декември до почетокот на март. Скијачките терени се наоѓаат непосредно до самиот град на надморска височина од 1400 метри. Погодни се за скијачи професионалци како и за скијачи почетници. Градот е поврзан со ски центарот и скијачките терени преку жичницата. Скијачките терени се наоѓаат на месноста Станич.
Ски центарот Станич, располага со три патеки, два ски лифтови и една двосед жичница која носи од градот, низ букова шума, директно на терените. Патеките имаат нивоа, лесна 350м, средна 400м и патека со напредно ниво во должина од 700м под двосед жичницата. На ски патеките има и елементи за сноуборд парк. Инсталирано е и осветлување за ноќно скијање под синиот лифт и стазата под жичницата.
Во непосредна близина на самиот центар, на терените постои угостителски објект, ресторан кој нуди најразлични видови храна и пијалоци. Центарот располага со ски депо за изнајмување на скии како и ски школа.
Во присуство на голем број туристи и љубители на зимско рекреативните спортови викендов во Крушево беше вистински рај за уживање.
Угостителите и сопствениците на сместувачките капацитети се задоволни од посетеноста на Крушево оваа сезона, истакнуваат дека во текот на празниците и зимскиот распуст капацитетите биле максимално исполнети и додаваат дека во овој период има резервации од гости од странство, како и викендаши од земјава.
Чистиот планински воздух е уште една добра причина да го посетите Крушево и да уживате во убавината која ви ја нуди.
Наташа Талеска
Репрезентацијата на Чешка е противникот на Македонија во баражот за Светското ракометно првенство што во 2017 година треба да се игра во Франција.
Чесите во баражот се пласираа по успешните претквалификации, во група со Белгија и со Турција.
Баражот ќе се игра во периодот од 10 до 12 јуни и седум дена подоцна, а Македонија реваншот ќе го игра на домашен терен.
Двојките од денешната жрепка за баражот на Мундијалот 2017 се:
Шведска – Босна и Херцеговина,
Чешка – Македонија,
Полска – Холандија,
Русија – Црна Гора,
Србија – Унгарија,
Исланд – Португалија,
Словенија – Норвешка/Хрватска,
Белорусија – Летонија и
Данска – Австрија.
Ви го претставуваме традиционалниот рецепт, лек, кој ќе ве излечи од кашлица или тешко дишење. Пијте по една лажица пред секој оброк и ефикасно ќе го решите проблемот со дишењето. Овој третман може да се повторува се додека не ви се подобри состојбата со плуќата.
Состојки:
7 лажици мед
сок од 2 средни по големина лимони
500 грама кафеав шеќер
500 грама црвен кромид
6 шољи вода (1,5 л.)
Припрема:
Aлександар Георгиоски
Крзнариќ ги спаси Лучанци. Вчера во Охрид на стадионот ,,Билјанини извори,, екипата на Победа го одигра вториот пријателски натпревар во подготвителниот период. Противник беше 7-мо пласираниот тим во Супер лигата на Србија Младост од Лучани, против кого прилепчани не само што беа рамноправен противник, туку по бројот на шансите може да се каже дека испуштија победа. Во многу квалитетен и борбен натпревар, со максимален ангажман на актерите кои добија шанса од двајцата тренери, мрежите мируваа и конечниот резултат на крајот беше 0-0.
Иако против себе имаа противник кој доаѓа од поквалитетната лига на нашиот северен сосед и се сретнаа екипи од два различни рангови на натпреварување, избраниците на тренерот Крстески во текот на сите 90 минути играа без нималку респект. Напротив на привидната лесна теренска надмоќност на противникот, Победа одговори со одлилна борбеност, дисциплинирана игра на секое поле од теренот, многу трка и покривање како на просторот, така и на противничките фудбалери. Волјата и желбата за надигрување со противникот, а со тоа и за наметнување на Стручниот беше присутна кај сите игтрачи во црвени дресови, за кои немаше загубена топка на теренот. Прилепчани мора и треба да жалат што во првото полувреме не ги искористија двете најзрели шанси на мечот.
Во 29-тата минута по асистенцијата на Дунимаглоски центарфорот на Победа Гешоски се најде очи в очи со голманот на Младост Крзнариќ, кој со бравурозна интервенција ја сочува својата мрежа. Само 2 минути подоцна Наумоски одлично го исфрли во празно во казнениот простор на гостите брзнио Здравески, кој откосо се најде во убава прилика, биеше прецизно во спротивниот агол на голот на Крзнариќ, кој и овојпат не дозволи да биде совладан. Според учинокот во продолжението на натпреварот може да се каже дека токму гостинскиот голман е виновникот што Победа не ја забележа и втората победа во пријателските средби (по онаа над Младост Царев Двор во првиот меч со 1-0), а Крзнариќ е најзаслужниот што српскиот суперлигаш не доживеа пораз. Крстески во првото полувреме започна со една постава, а во вториот дел беа извршени голем број на замени, но и покрај тоа не се почувствува никаков пад во играта, ни во дисциплината, залагањето, пристапот и воопшто остана истиот вепчаток, дека Победа беше поконкретниот тим, и тимот кој треба да жали за победата во оваа исклучително значајна и силна контрола на формата на тимот, во оваа фаза од подготовките.
Треба да се каже дека Победа денес беше некомплетна бидејќи отсуствуваа посериозно повредениот В.Петрески и недоволно опоравените Шаркоски и Димитриоски. Во вторник на 2-ри февруари следи ново гостување во Охрид и третиот контролен натпревар со прволигашот Металург, додека во среда на 3-ти февруари од 13 часот на стадионот со вештачка трева, спаринг партнер на 4-тата пријателска средба ќе биде третолигашот Вардар од Неготино.
Победа:Манчевски, Талески, Ристевски, Колески, КрстескиМегленски, Наумоски, Карчески, Дунимаглоски, Здравески и Гешоски. Во вторите 45 минути настапија:Јованоски, Богоески, Котески, Велјаноски, Колески, Х.Петрески, Николоски, Николоски, Тошески, Тодороски, Мирчески.
Во 33 општини од денеска почнуваат со работа канцеларии за новиот проект „Купи куќа за млади“.
Канцелариите се наоѓаат во подрачните единици на Управата за имотно-правни односи и на Управата за јавни приходи. Целта е проектот да се приближи до младите и да може на едно место да добијат информција за условите, учеството, банките и плацевите.Во нив се ангажирани обучени вработени кои ќе ги дадат потребните информации на младите.
Покрај за овој проект, граѓаните во канцелариите ќе може да се информираат и за проектот „Купи куќа, купи стан“.
„Дали бил среќен, тажен, во топ форма, болен, засипнат, тотално небитно. Фатеше ли микрофон, му нема рамен. Тој, 10 места, па вториот. Бог знае колку рекорди ќе срушеше, колку стадиони ќе преполнеше на колку луѓе ширум светот ќе помогнеше.“
„Последниот пат наполни 26 и со толку години направи толку многу. Создаде толку многу музика и испеа толку многу песни што светски врвни музичари не би оствариле во 2 животи! Ќе слушаме ново и наредни 50 години. Да, наредни 50 години, има оставено за толку! Денес би наполнил 35 години, традиционално нова песна, и …и да беше жив јас викам ќе одевме на Вембли и тој ќе му беше мал, ми се смеат, јас нив им се смеам. Еден единствен и неповторлив.“
Ова е Фејсбук статус на фан на Тоше Проески по повод неговиот роденден.
Младиот Душко Аврамовски ја внесе целата емоција во својот фејбук статус, но и повеќе од тоа: создаде прекрасно видео за новата песна „If you wanna leave me“, која беше промовирана за роденденот на прерано починатата македонска ѕвезда.
Ова е еден од многуте докази дека Тоше Проески ги инспирира и мотивира младите и ден денес.
Сите сакаме да јадеме палачинки, солени, благи… и сите ги подготвуваме во домот, но овој рецепт дефинитивно ќе ве натера никогаш да не направите друг вид палачинки освен овој.
Потребни ви се:
15-ина палачинки.
2 јајца
2 децилитри кисела павлака
300 грама пилешки гради
300 грама сирење
1 пиперка
сол, бибер, оригано
100 грама сусам и 50 грама презла
Смешајте ги јајцата и павлаката, половина за смеса, половина за мачкање на палачинките. Сите други состојки измешајте ги и исечете заедно, а можете да додатете и нешто по избор. Додадете од зачините по избор и мачкајте ги палачинките кои ќе ги редите една врз друга во тепсија. Потоа премачкајте најгоре со павлаката и јајцата, па ставете презла и сусам на врвот. Печете на 180 степени 20-ина минути.
Добар апетит!
Кога би ви рекле дека за здравје е потребна само една минута дневно, сигурно би помислиле дека се работи за добар маркетиншки трик…
Во забрзаниот свет во кој живееме секоја минута е драгоцена и овие совети сигурно добро ќе ви дојдат. Обрнете внимание на 25 едноставни трикови кои можете да ги направите само за 60 секунди.
1. Чистете ги забите со конец – освен што ќе ви бидат забите бели и светли, чистењето може да спречи и срцев удар.
2. Растегнете се – брзото растегнување каде било и кога било ја намалува тензијата и напнатоста.
3. Здраво грицкање – наместо да чекате целосно да огладнете, земете ореви, бадеми, лешници или некое овошје за да го ублажите гладот.
4. Избегнувајте лифт, користете ги скалите – времето на траење на овие вежби зависи од катот до кој одите, но во секој случај повеќе ќе постигнете отколку да го чекате лифтот.
5. Побарајте здрави рецепти наместо првиот кој ви се појавува на Google.
6. Оставете ја технологијата
7. Додајте лимон во водата
8. Одберете си вежби кои ќе ги правите во следниот период.
9. Исчистете ја работната маса и компјутерот.
10. Длабоко вдишете
11. Повикајте пријатели со кои ќе разговарате и ќе се ослободите од стресот
12. Измасирајте си ја главата
13. Најдете едноминутен предизвик и надминувајте го сопствениот рекорд
14. Испијте чаша вода
15. Излезете на воздух
16. Напишете листа на работи за кои сте благодарни
17. Измијте ги рацете
18. Пијте витамини
19. Средете ја собата – можеби не е можно детално чистење за 1 минута, но можете барем привидно да ги тргнете работите кои ви пречат.
20. Подгответе си ја спортската торба за вежбање или чантата за на работа. Така, нема да се потресувате следниот ден.
21. Пуштете си ја омилената песна
22. Отворете книга со позитивни мисли и прочитајте си една реченица по случаен избор.
23. Замислете си желба.
24. Изедете коцка чоколадо.
25. Насмевнете се.
Гледате, не е тешко…мали навики до големи и среќни промени!
