За подготовка на овој едноставен рецепт не треба многу време. Проверете зошто за само неколку дена „пицата во чаша“ стана најбаран рецепт на Интернет. Потробни ви се само неколку минути и микробранова печка.

Сосотојки:

4 лажици брашно

сол

1 пакетче прашак за пециво

1 пакетле сода бикарбона

3 лажици млеко

1 лажица масилново или сончогледово масло

1 лажица сос од домати

неколку парчиња салама или чајна – по ваш избор

оригано или некој зачин кој вие го сакаате

Подготовка:

Во голем филџан ставете го брашното потоа додаете го пецивото, тоа добро измешајте го. Потоа додаете го млекото и маслото, повторно измешајте и тестото е готово.

Подлогата намачкајте ја со сосот од домати, па над неко ставете кашкавал. Потоа наредете ја саламата или чајната и сето тоа зачинете со оригано.

Подготвената пица ставете ја во микробранова и печете ја неколку минути.

Денес е вистински ден за да се сетите на сите пријатели – и на оние што и понатаму се во вашиот живот, како и на оние што со текот на годините сте ги заборавиле.

Животот природно не разделува од луѓето со кои што некогаш сме биле неразделни  – па токму затоа Фејсбук дене на својот 12-ти роденден реши на интересен начин да не потсети на некои интересни мигови што засекогаш останале забележани со фотографиите.

Инаку, Фејсбук бил основан пред точно 12 години на 4-ти февруари во 2004-тата година на Кембриџ. Марк Цукербег тој ден официјално ја пуштил во употреба социјалната мрежа, која била наменета за комуникација помеѓу студентите меѓусебно. Тогаш воопшто не ни сонувал дека таа социјална мрежа мошне брзо ќе стане глобална занимливост, која денес вреди повеќе од 245 милијарди долари.

За да го прослават овој ден со своите корисници, момците и девојките од Фејсбук подготвија интересно изненадување во вид на видео со кое што секој од нас може да ги прослави сопствените пријатели.

Фејсбук одлучи овој ден да не го нарече сопствен роденден, туку Ден на пријателите – а и вие можете да го прославите така што ќе направите видео со фотографии од вашите пријатели.

Фејсбук автоматски ќе ви избере фотографии, но доколку не ви се допаѓаат можете рачно да ги измените. Направете го вашето видео ОВДЕ.

Сите што сакаат да се занимаваат со земјоделска дејност, а што немаат наполнето 40 години, да поднесат апликации до Полатежната агенција за субвенции за млади фармери, апелира денеска заменик министерот за земјоделство, шумарство и водостопанство Ванчо Костадиновски.

Костадиновски при посетата на земјоделецот Таки Георгиески од скопско Булачани, кој лани аплицирал и добил грант од 600.000 денари за насад за гоџи бери, информира дека огласот за субвенционирање млади фармери е објавен вчера.

– За оваа година обезбедени се средства за преку 100 апликации. Интересот е огромен. Во 2012-та имаше само тројца апликанти, додека во 2013, 14-та и 15-та година кога интересот беше најголем, одобрени беа 134 во износ од 1,2 милиона евра. До последниот оглас објавен вчера, поддршката изнесува 1,5 милиони евра за вкупно 170 млади земјоделци, истакна Кoстадиновски.

Земјоделецот Таки Георгиев појасни дека минатата година аплицирал и добил субвенции за млад земјоделец во висина од 10 илјади евра за гоџи бери. Финансиската олеснителна околност, односно субвенцијата од Министерството била пресудна за Георгиев да почне со овој бизнис.

Огласот за млади земјоделци ќе трае еден месец, а барањата се доставуваат електрински. За сите информации, младите земјоделци можат да се обратат во Агенцијата за поддршка и развој.

Заменик министерот Костадиновски во изјавата се осврна и на обвинувањата на дополнителнiот заменик министер Љупчо Николовски дека се доделувале земјоделско земјиште и субвенции на луѓе кои не се занимавале со земјоделство. Костадиновски му порача на Николовски да не ги манипулира јавноста и земјоделците во отсуство на, како што рече, какви било мерки или проекти.

Црковниот хор “Св. Петка” oд Прилеп организира аудиција за прием на нови членови. Аудицијата ќе се одржи на 6 февруари 2016г. (сабота) во Музичкото училиште “Ордан Михајлоски – Оцка” во Прилеп, од 10 до 12 часот.

Од 5 до 7-ми Февруари во спортската сала на средното учичлиште „Ристе Ристески Ричко“, ќе се одржи турнир во баскет по повод 60 годишнината од формирањето на првиот кошаркарскиот клуб во градот „Гоце Делчев“.

По тој повод кошаркарскиот клуб „Марфил Спорт“ ги повикува сите заинтересирани да се пријават на овој турнир до 4 февруари. Според пропозициите на баскет турнирот екипите ќе бидат поделени во три возрасни категории. Првата за натпреварувачи до 18 години, од 19 до 40 години и над 40 години.

Oва е само почеток на една баскет приказна која што Општина Прилеп ја започна со цел да го зголеми рејтингот на баскетот во градот како и водењето на здрав начин на живот во духот на баскетот. Се надеваме дека овој турнир ќе прерасне во традиција кој ќе се одржува секоја година. Пријавувањето е бесплатно, а за најдобрите три екипи од секоја возрасна категорија ќе бидат обезбедени награди.

Резултатите, групите и распоредот на натпревари ќе бидат објавени на Facebook страницата – Турнир во баскет „Гоце Делчев“.

Делегација од општина Прилеп, Советот на општина Прилеп и вработените во ОУ „Гоце Делчев“, денеска положија свежо цвеќе пред споменикот на Гоце Делчев во ОУ „Гоце Делчев“. Со низа други активности денеска се одбележаа 144-години од раѓањето на македонскиот револуционер Гоце Делчев.

Идеологот на македонската револуционерна борба е роден на 4 февруари 1872 година во Кукуш.

Двегодишниот О.Н. од Прилеп рано изутрината е пронајден мртов во каналот со вода во прилепската населба Тризла.

Според основниот јавен обвинител Лидија Салатоска Илиоска, вчера родителите пријавиле дека исчезнало двегодишно дете од прилепската населба Тризла.

– Вчера околу 15.30 часот родителите на двегодишниот Омер пријавиле дека исчезнало нивното дете. Потрагата по детето траеше до утринските часови. Неговото безживотно тело од членови на семејството е пронајдено изутрината, околу 6.30 часот во каналот со вода што се протега од Марковите кули кон населбата Тризла. Било удавено и со лицето кон водата во каналот, изјави Салатоска Илиоска.

Јавниот обвинител побара да се изврши обдукција за да се утврдат причините за смртта на двегодишното дете.

Вчера во 19,30 часот во ПС-Прилеп, С.А.(52) од Прилеп, пријавила дека истиот ден околу 15,00 часот од дома во непознат правец се оддалечил нејзиниот двегодишен внук.

Се преземаат мерки за пронаоѓање на лицето.

Денеска околу 11 часот се случи сообраќајна незгода на патот Прилеп- Градско. Излетан е камион кај месноста Склештен мост. Според неофицијални информации нема повредени и причинета е само материјална штета.

Не е дојдено до прекин на сообраќајот и патничките возила се движат без застој по овој патен правец.

Домаќински со шише црно вино и ракија и оваа година бакалите го поканија градоначалникот Ристески да присуствува на празникот поврзан со бакалите.

Градоначалникот Ристески со особено задоволство истакна дека ова „Здружение на бакали“ е едно од најактивните во Република Македонија  и дека е горд што и тој потекнува од бакалско семејство. И покрај многуте работни обврски Градоначалникот Марјан Ристески секоја година практикува да ги посети прилепските бакали и да ја сподели нивната заедничка прослава.