[Best_Wordpress_Gallery id=”151″ gal_title=”Krusevo_NokenZivot”]

Маркукуле.мк станува најпопуларен портал и во Крушево. Нашите фотографи и дописници од таму ќе ве информираат за туристичката понуда, ноќниот живот, саботното кафе и се она што ќе се случува во Република Крушево. Верувајте не е ни малку здодевно меѓу весели и насмеани млади луѓе, кои се покажаја како одлични домаќини и уште подобри за друштво за ноќен живот.

Нашата мисија полека, но сигурно се остварува. Целта да ги покријаме збиднувањата, случувањата и да помогнеме во афирмацијата на Пелагонискиот регион, ја реализираме со забрзано темпо.

Попладнево на Градскиот стадион, Победа во генералната проба славеше со 1-0 над второлигашот Велазерими од Кичево со 1-0, полувреме 0-0. Тоа беше солидна фудбалска престава по лош и нерамен терен која во еден дел се одигра и по силен дожд. Победа беше подобар противник во текот на сите 90 минути. Прилепчани агресивно влегоја во натпреварот и веќе во првите 10 минути создадоа 3 изгледни прилики за гол. Во 2-та минута обидот на Карчески од 7-8 метри е блокиран, во 6-тата минута Мирчески на 1-ва статива бие непрецизно крај голот, а во 10-тата минута повторно обид на Мирчески чиј удар со глава заврши покрај голот на Незири. Во 20-тата минута центаршутот на Мирчески не стигна до Дунимаглоски, спречи гостинскиот голман.

Во првиот дел гостите единствено се заканија во 38-та минута преку Мурат, кој биеше откосо од мртов агол, но внимателен и сигурен беше Манчевски. Во вториот дел одново сигурна и игра со посед на домаќините во чии редови беа извршени неколку замени. Во 59-тата минута обид на Наумоски крај голот по избиената топка на гостинскиот голман Зердески. Водството на Победа дојде во 67-та минута кога по центаршутот на Дунимаглоски највисок во скокот беше нововлезениот Котески, кој со глава го матираше немоќниот Зердески. До крајот малубројните гледачи не видоа возбудувања. Победа ја имаше контролата врз играта и случувањата на теренот, со доминантен посед на топка кој не дозволи во ниеден момент да биде загрозен голот на Манчевски. Тренерот Крстески на овој меч им даде шанса на сите играчи на кои смета за пролетната полусезона, која започнува в сабота со натпреварот против Гостивар во Охрид.

ПОБЕДА: Манчевски, Талески, Крстески(Димитриоски), Колески, Ристевски(котески), Мегленски(Петрески), Наумоски, Карчески(Здравески), Дунимаглоски(Иваноски), Мирчески(Шаркоски) и Гешоски(николоски).

ВЕЛАЗЕРИМИ: Незири, Сулимани, Цуцули, Балажи, Сејдини, Иљази, Алиу, Ибраими, Зекири, Османи и Адили.Играа уште:Зердески, Имери, Јагодини, Фејза и Рушај. Главен судија:Кирил Смоквоски. Помошници:Иле Мишески и Илчо Јорданоски.

[Best_Wordpress_Gallery id=”150″ gal_title=”SabotnoKafe_20022016″]

Посетете го супер модерниот млечен ресторан на Жито Прилеп. Вкусете прекрасни бели печива, бурек и уживајте во прекрасниот, топол и пријатен амбиент.

Доделувањето решенија за веќе легализираните дивоградби продолжува да се реализира согласно претходно проектираната динамика. Денеска беа доделени 50 нови решенија за легализација, со кои досега се легализирани околу 8.500 дивоградби, од вкупно поднесените 15.367 барања за добивање на правен статус на објектот.

Градоначалникот Марјан Ристески, истакна дека доста значајно за општината е спроведувањето на Законот за легализација на дивоградбите, преку кој Владата на РМ, на сите граѓани им овозможи историска шанса за стекнување на правна и легална сопственост на нивните домови.
Прилепчани покажаа голем интерес за оваа владина социјална мерка за докажување на сопственоста за нивните дивоизградени објекти.

[Best_Wordpress_Gallery id=”149″ gal_title=”NokenzivotPrilep_19022016″]

Во кениската престолнина Најроби е прогласена вонредна состојба, откако „повеќе лавови“ во текот на минатата ноќ побегнале од блискиот Национален парк и се упатиле кон градот.

Локалните медиуми јавуваат дека една лавица заедно со нејзните две лавчиња, биле уловена и враатени во шумата, а за два други лава се верува дека самите се вратиле во Паркот.

Стравувањето за безбеноста на луѓето го предизвикува немањето точна инфромација колку лавови побегнале од Паркот и сега талкаат низ најблиското опкружување на Најроби.

– Лавовите се опасни диви животни и немојте сами да им се спротивставувате доколку ги сретнете или ви се најдат на патот, објави во своето предупредување до населението претставникот на кениската Агенција за диви животни, Пол Удото.

Сведоци за медиумите изјавиле дека утринава виделе два лава како се шетаат во кенискиот главен град во близина на границата на Националниот парк.

Се проценува дека во Националниот парк има околу 30 лавови, кои живеат на простор од 17 квадратни километри.

Децата од социјалниот клуб Порака од Прилеп изработија прекрасни рачни изработки, кои денеска ги продаваат на плоштадот “Методија Андонов – Ченто” во центарот на Прилеп. Нивната работилница е насловена како Предосмомартовска и побуди огромен интерес кај граѓаните, кои со задоволство купија од нивните творби. Овој клуб на лица со интелектуална попреченост значи премногу за сите лица со ваква попреченост и редовно собира на едно место, давајќи им притоа сигурност и вредност во општеството.

Има огромна разлика меѓу заљубеност и приврзаност и најчесто на почеток од врска навистина не знаеме да ги разликуваме овие работи. Заљубеноста е она кон кое сите тежиме, приврзаноста е моментална привлечност која не влече како магнетско поле кон другата личност.

Зошто тогаш толку ги мешаме? Која е разликата меѓу заљубување и приврзаност и како да ги разликуваме овие две? Денес ви даваме одговор на вашите прашања!

Една од најлошите работи кога сте на диета е тоа што целосно се откажувате од благото. Наместо тоа треба да јадете овошје, здрави маснотии и протеини.

Рецептата за колач кој можете да го направите од сите дозволени состојки стана вистински хит на интернетот. Овој колач има совршена комбинација на благ и кисел вкус поради малините кои се додаваат, а по желба малините можете да ги замените со јагоди, вишна, боровинки или било кое овошје кое го имате при рака.

Потребни состојки: 2 презреани банани, 4 јајца, малини, јагоди или некое друго овошје по избор.

Подготовка: Бананите згмечете ги со виљушка, а јајцата изматете ги и измешајте ги со бананите. Тоа е целото тесто. Калапите за мафини малку премачкајте ги, па у секој додадете неколку малини. Потоа врз нив налејте го „тестото“ и печете на 190 степени околу 12 минути.

Екипа на Montem adventure productions ја посети Македонија и се искачи на највисониот врв на Шар Планина – Титов Врв (2.747) метри.

Чудесен ден со штотуку паднат снег, сонце и силен ветер. Еден од најчудесните погледи со оглед на тоа што врвот е релативно низок, пишува во објаснувањето на видеото од посетата на Шар Планина.

На Шар планина има многу езера, а и повеќе врвови со надморска висина над 2.000 метри, како и пространи пасишта.

Сето ова покрива површина од околу 1.600 квадратни километри, што ја прави трета планина по површина на Балканот.