На античкиот локалитет Стибера кај Прилеп е пронајдена нова, мермерна статуа во природна големина која датира од 2 век од нашата ера. Министерката за култура Елизабета Канческа Милеска, Градоначалникот на Општина Прилеп Марјан Ристески, директорката на „Завод и Музеј“ Гордана Данаилоска Спиркоска и директорот на Управата за заштита на културното наследство Виктор Лилчиќ денеска го посетија локалитетот и местото каде е пронајдена новата мермерна статуа која се смета за ексклузивен наод.
Според Гордана Данилоска Спироска, директор на „Завод и Музеј“ станува збор за мермерна статуа во природна големина, без глава, изработена со високостилизирани елементи.
Античкиот локалитет Стибера е најголемото наоѓалиште на антички мермерни статуи. Префинетата изработка на статуата во наметка со свиток во едната рака потврдува дека е посветена на некој значаен граѓанин на Стибера и е од вториот век од нашата ера.
Сега следува процесот на конзервација и чистење на статуата и најверојатно ќе биде изложена во археолошката поставка на прилепскиот музеј, изјави директорката Данилоска Спироска
Археолого, виш кустос, Душко Темелкоски истакна дека годинава на Стибера се изтражува на дел од градбите и се претпоставува дека станува збор за собранието на градот Стибера. Пронајдена е и камена плоча на која пишува дека Собранието на Стибера му дава полест на заслужен граѓанин на Стибера. Градбата е монумернтална, широка 17 метри. Се уште нема друга потврда за собранието, но статуата е репрезентативно откритие, вели Темелкоски.
Министерката за култура Елизабета Канческа Милеска која го посети локалитетот Стибера смета дека пронаоѓањето на овој ексклузивен наод е потврда за неговата големина и значајност, а ова е ексклузивен наод.
Она што дополнително би следело би било да се расчистат имотно – правните односи со околните жители кои имаат ниви и своја земја на која се простира локалитетот. Идниот петок тие ќе имаат средба со прилепскиот градоначалник за договор да се изврши екпропријација или да им се дадат во замена други ниви за да може истражувањата на локалитетот Стибера да продолжат. Тоа ќе доведе до ексклузивно претставување на локалитетот пред туристите, изјави министерката Канческа Милеска.
Градоначалникот Марјан Рисески истакна дека ќе се сретне со сопствениците на ниви за да се разговара за екпрпријација на земјиштето под кој е локалитетот или за замена за други ниви. Ристески нагласи дека општина Прилеп зафаќа огормна територија со значајни и бројни локалитети, а од античкиот период најголем е Стибера. Ова ќе ја зголеми туристичката понуда на градот кој по Скопје и Охрид, според статистиките има најголем број посетители и туристи.
Министерката Канческа Милеска во„ Завод и Музеј“ говореше и на другите проекти на кои работи заводот. Во јули ќе биде објавен тендерот за обнова на опожарените конаци на манастирот Трескавец, во септември ќе биде готов источниот конак на манастирот Архангел Михаил во Варош, а се обновени конаците во манастирот Зрзе.
Инаку, античкиот град Стибера бил голем, датира од вториот век пред до 4 век од нашата ера. Досега на локалитетот се пронајдени повеќе мермерни статуи.
Во рамките на денешната посета на министерката за култура Елизабета Канческа Милеска официјално беше ставена во употреба сувенирницата од каде што туристите за време на посетата и престојот во Прилеп ќе можат да понесат спомен од градот под Марковите Кули.

[Best_Wordpress_Gallery id=”10″ gal_title=”Откриена нова мермерна статуа на локалитетот „Стибера“”]

Со доделувањето на наградите и со изведбата на претставата ,,Солунски патрдии,, во режија на Коле Ангеловски,, на Драмскиот театар, во чест на наградените, заврши јубилејниот 50 МТФ,, Војдан Чернодрински,,. Најдобра претстава во целина е ,,Електра,, во режија на Андриј Жолдак на МНТ од Скопје. Награди им беа доделени и на режисерот Андриј Жолдак за најдобар режисер. Дарја Ризова ја доби наградата за главна женска, додека наградата за најдобра женска споредна улога заминa во рацете на Ѕвездана Анегeловска за улогата на Клитеменестра. Наградата за најдобар млад актер ,,Трајко Чоревски,, ја доби Александар Ѓорѓиески за улогата на Орес во ,,Електра,,.
Наградата за главна машка улога замина во рацете на Адем Карага, додека Специјалната награда на фестивалот за колективна игра и осовременување на класиката за нашиот ансамбл ,,Војдан Чернодрински,, за претставата ,,Сон на летната ноќ,, во режија на Нела Витошевиќ.
Наградата за текст ја доби Благица Секуловска за текстот ,,Безљубни,, наградата за сценска драматизација на Деан Дамјановски, наградата за машка епизодна улога ,,Димче Трајковски,, ја доби Митко Апостолски, наградата за млада актерка ќе и се додели на Слаѓана Вујошевиќ.
Наградата за сценографија му припадна на Валентин, за костимографија на Благој Мицевски, за музика на Марјан Неќак, за кореографија и сценски движења на Елена Прокопиева, а за рекламен материјал на Бруно Јовановски.
И овој фестивал покажа дека е огледало на македонскиот театар и дека луѓето што го покренале пред 50 години, меѓу кои предводникот Илија Милчин, знаеле дека Прилеп е добра почва за театар.

[Best_Wordpress_Gallery id=”11″ gal_title=”Заврши јубилејниот 50 МТФ ,,Војдан Чернодрински,,”]

Учениците од посебните паралелки при ООУ „Климент Охридски“, со градското вовче денеска направија обиколка низ градот и ја посетија Могилата на непобедените и рајската градина. За нивната радост да биде уште поголема, прошетката ја направија со атрактивното туристичко вовче. Неможеше да се сокрие радоста на нивните лица при посетата на рајската градина, каде покрај срнчето, ламите и другите рајски птици, најмногу им се радуваа на познатите пони коњчиња со кои и се сликаа.
Локалната самоуправа редовно се грижи за потребите на овие дечиња и за сите други, обезбедувајќи им подобри услови за следење на наставниот процес и редовно уредување на ова прекрасно катче на могилата на непобедените, на кое најмногу му се радуваат најмалите генерации.

[Best_Wordpress_Gallery id=”12″ gal_title=”Децата со посебни потреби ја посетија Могилата на непобедените”]

Градоначалникот Марјан Ристески и амбасадорот на САД во Македонија, Џес Бејли го означија стартот на четвртата по ред велосипедска тура и ги отворија 31-те по ред Мариовско – Мегленските средби.
Покрај велосипедска тура чиј старт беше од селото Манастир, оваа година имаше и планинско трчање, планинарење и аеробик со цел да се задоволат потребите на околу 700– тината учесници од Балканот и пошироко.
Велосипедскиот настан се одржува со поддршка на Локалната самоуправа, а придобивките се веќе препознаени и од страна на Владата на РМ и Агенцијата за промоција и поддршка на туризмот за истиот да биде дел од националната програма.
Реализицијата на ваков вит на манифестации го прави овој предел интересен за туристите.
На 31-те Мариовско – Мегленски средби кои се одржаа пред дворот на манастирот Св.Илија во с.Витолиште присуствуваа повеќе граѓани од Прилеп и Македонија, локалното население, како и учесници со богата културно-уметничката програма.
Со овие традиционални средби се негува фолклорно и културното наследство на регионите..
Она што е особено значајно за организацијата на вакви манифестации е нивниот придонес кон развојот на руралниот туризам и промовирањето на Мариовскиот регион како вонреден потенцијал со придобивките кои ги нуди чистата животна средина.

[Best_Wordpress_Gallery id=”13″ gal_title=”Завршија 31 – вите Мариовско – мегленски средби”]

Во Крушево свечено се отвори „Влашка соба“. Со тоа градот ја зголеми својата културно – туристичка понуда, а туристите сега имаат уште едно место кое задолжително мора да го посетат, кога ќе дојдат во „Градот музеј – Крушево“.

Пред многубројните присутни гости, се обрати градоначалникот на Општина Крушево, г-дин Ѓорѓи Дамчески кој истакна: „ Во нашиот град власите и македонците од секогаш живеат не еден покрај друг, туку еден со друг. Доказ за почитта кон нашите сограѓани од влашко потекло е и самиот факт, што со посебна одлука на Советот на Општина Крушево, влашкиот јазик е прогласен за официјален, со што Крушево е единствената општина во Македонија, каде влашкиот јазик е службен. Дамчески ја искористи приликата и им се заблагодари на сите стари крушевчани од влашко потекло, кои воопшто не се штедеа и со своите совети помогнаа успешно да се реализира проектот и на сосема автентичен начин да се претстави влашката култура.

„Влашка соба“ е само еден дел од проектот кој од почетокот на годинава, започна да го реализира општина Крушево. Во месец јули, ќе се промовира брошура каде ќе бидат запишани најзначајните податоци за културата и традицијата на Власите во Крушево. Во истиот период ќе се презентираат и автентични влашки носии кои веќе се изработуваат, а ќе се организираат и други промотивни настани. Проектот „Денови на влашката култура“ со 18 000 евра е финансиран од страна на Европска Унија, а имплементиран од страна на Советот на Европа, а со свои средства учествува и Општина Крушево.

[Best_Wordpress_Gallery id=”17″ gal_title=”Отворена „Влашката соба“ во Крушево”]

Легендарниот лик на Кралот Марко, кој историски нераскинливо е поврзан со Прилеп, по деветти пат е инспирација за организирање на културната манифестација “Денови на Крали Марко”.
Во негова чест во дворот на црквата „Св. Никола“ во Варош се одржа ликовна колонија, литературно читање и историски час посветени на ликот и делото на овој легендарен јунак. Учениците кои членуваат во историската секција од ОУ „Блаже Конески“ и ликовната секција од ОУ „Кире Гаврилоски – Јане“ се потрудија преку своите изведби и дела да го прикажат ликот на Крали Марко.
Во рамките на манифестацијата „Денови на Крали Марко“, која традиционално ја организира Локалната самоуправа, синоќа во Градската библиотека „Борка Талески“ се одржа предавање со поетско читање на тема „Ликот на Крали Марко во македонската современа литература“
Со манифестацијата се одбележува годишнината од загинувањето на Крали Марко, а целта е промовирање на Прилеп како град каде што живеел овој легендарен крал.
Градоначалникот Ристески истакна дека во скоро врема во центарот на Прилеп ќе биде поставен споменик во чест на оваа легендарна и култна историска личност.

[Best_Wordpress_Gallery id=”14″ gal_title=”„Денови на Крали Марко“ по деветти пат”]

Изминаа 110 години од смртта на  Никола Карев, првиот Претседател на Крушевската Република.

По тој повод делегација од општина Крушево, Советот на Општина Крушево, наставници и ученици од ООУ „Никола Карев“, потомци на Карев како и претставници од НУ „Историски Музеј“ ја посетија месноста Свиланово , положувајќи цвеќе на местото каде во 1905 година херојски загина Никола Карев.

Во чест на Никола Карев свои творби прочитаа учениците од училиштата во Крушево и Кочани кои го носат неговото име.

– Горди сме на херојското дело на Карев и споменот за него го чуваме во нашите семејства. Првпат сме на местото каде што загинал нашиот дедо, изјавија Петар и Борис Кареви, внуци на Никола Карев кои беа дел од делегацијата.

[Best_Wordpress_Gallery id=”16″ gal_title=”Посетена месноста каде загинал Никола Карев”]