Кога се зборува за вонземските облици на живот, секогаш сме се делеле во две групи на луѓе- едни кои веруваат дека постојат и други кои се сигурни дека ние сме единствени во вселената.

Во последната студија на списанието “Astrobiology” ги проучуваше егзопланетите кои се откриени во последните дваесет години. Ова истражување покажува дека освен луѓето постоела и некоја друга цивилизација. Физичарот и астроном Адам Френк кој е и автор на студијата, наведува дека можноста да постои друга цивилизација освен оваа на Земјата е многу голема.

Френк смета дека многу е веројатно дека пред нас се има развиено и друга интелегентна цивилизација која била и технолошки понапредна.

МАРКУКУЛЕ.МК

Оваа година 29 големи китови беа пронајдени мртви на брегот на Северно Море во областа која е позната позната по  “дивиот свет”.  Тие беа испитани од голем број на научници. Научниците кои го извршија испитувањето се вознемирија од она што го пронајдоа во стомаците на китовите.

Според многу од медиумите, многу од китовите кои биле пронајдени мртви биле исполнети со пластичен отпад, вклучуваќи и 13 метри долга рибарска мрежа и делови на автомобили.

МАРКУКУЛЕ.МК

Мал авион се сруши на главната улица во градот Источен Хартфорд, во американската држава Конетикат, потврди локалната полиција.

Авионот потоа се запали. Полицијата соопшти дека не е познато дали во несреќата има повредени или загинати.

https://twitter.com/NBCConnecticut/status/785934556146827264/photo/1?ref_src=twsrc%5Etfw

https://twitter.com/NBCConnecticut/status/785934556146827264/photo/1?ref_src=twsrc%5Etfw

https://twitter.com/NBCConnecticut/status/785934556146827264/photo/1?ref_src=twsrc%5Etfw

https://twitter.com/NBCConnecticut/status/785934556146827264/photo/1?ref_src=twsrc%5Etfw

Едно лице е убиено, а две се потешко ранети во пукотници кои вечерва се случиле во центарот на Белград.

Според информациите на српски „Курир“, убиен е Александар Станковиќ, познат како Сале Мутави, еден од водачите на навивачите на Партизан и еден од трите лица коиго нападнале директорот на клубот Милош Вазура.

Станковиќ за десетина дена требало да се ожени, пишува весникот.

Во моментот бројни полициски сили вршат увид на местото, а повредените се пренесени во Ургентен центар.

По повод  14-ти октомври “Денот на здравата храна”, колективот на основното општинско училиште “Кире Гаврилоски-Jaне” – Прилеп, во соработка со овластен нутриционист, организираше настан за поттикнување на свеста кај младите за тоа што точно значи здравата храна.

Во училишниот двор учениците изложија здрави производи кои беа до последен продадени.

Собраните средства ќе бидат наменети за хуманитарни цели.

“Целта на овој настан беше да се поттикне иницијативата кај младите за здрав живот, како и да се развијат здрави навики. Во наредниот период ќе биде одржано и едукативно предавање во врска со нутриционизмот”, истакна  Марина Релушкоска  – нутриционист.

Во Киното Мис Стон синоќа во преполна сала беше отворено 12 издание на Фестивалот на новиот германски филм, што ЦК,,Марко Цепенков,, го реализира во соработка со Амбасадата на Германија во Македонија. На отворањето говореа градоначалникот Марјан Ристески, кој ја потенцираше добрата соработка со Германија на сите полиња и Хелга Тајпеј аташе за култура во Амбасадата на СР Германија во Македонија, која истакна дека соработката со Центарот и општина Прилеп е на високо ниво, заблагодарувајќи се при тоа на големиот интерес за посета на фестивалот, кој започна со трагикомедијата ,,Мед во главата,, во режија на Тил Швајгер, филм што ја добил германската филмска награда за 2015 година, како и специјалната награда за најпосетен филм.

Годинашниот фестивал е под мотото,, Сакам филм,, а деенска и утре во Кино мис Стон ќе бидат прикажани уште пет филмови – трагикомедии, комедии драми, историски драми и еден филм за деца.

Здружението за заштита и одгледување на украсни птици и животни „Трагопан“ од Прилеп и оваа година ја организира традиционалната изложба на украсни птици на државно ниво.

Вљубениците во украсните птици имаа можност да видат најразлични видови на домашни и егзотични птици кои беа изложени во ЦК „Марко Цепенков“. Изложбата ја посети и градоначалникот на општина Прилеп Марјан Ристески кој истакна дека соработката на Локалната самоуправа со здржението „Трагопан“ е на исклучително конструктивно ниво, и дека токму проектот „Рајска градина“ е заедничка успешно реализирана идеја. Воедно најубавите експонати на украсни птици беа стручно избрани и наградени.

Во вторникот по повод празнувањето на Денот на народното востание 11-Октомври, во Прилеп се одржа голема  изложба на автомобили и олдтајмери.

Настанот со дрон го снимија од “Фан Продукција-Прилеп” и сето тоа изгледа моќно и одзема здив.

Погледнете го видеото кое нема да ве остави рамнодушни:

По завршената истражна постапка против А.Ќ. од Прилеп обвинет за сторено кривично дело Обљуба врз немоќно лице од член 187 став 1 од Кривичниот законик, јавен обвинител од Основното јавно обвинителство – Прилеп склучи Предлог-спогодба со обвинетиот со која се спогодуваат обвинетиот да му биде изречена казна затвор во траење од шест години.

-Судијата на претходна постапка ја прифати поднесената Предлог-спогодба и донесе пресуда со која на обвинетиот му ја изрече предложената казна затвор. Со истата пресуда до започнување со издржување на казната се продолжува определениот притвор против осудениот, информираат од Основното јавно обвинителство.

Настанот за кој е изречена Пресудата врз основа на спогодба се случи во јули годинава, кога осудениот злоупотребувајќи го заостанатиот душевен развој на оштетената извршил обљуба. Тој со неговото возило ја следел оштетената која се движела пеш и ѝ понудил да влезе во неговото возило. Откако бил одбиен, обвинетиот насилно ја внел во возилото, ја однел надвор од градот и го сторил кривичното дело. По настанот на сега осуденото лице му беше определена мерка притвор.