Повеќе од седумстотини првачиња од единаесетте основни училишта во Општина Прилеп седнаа во училишните клупи. На првиот училишен ден од новата 2015/2016 учебна година градоначалникот Ристески ги поздрави првачињата посакувајќи им многу успех во учењето притоа порачувајќи им дека ова се едни од најубавите моменти во нивниот живот кои никогаш не се забораваат.
Градоначалникот Ристески во ОУ „Кочо Рацин“ истакна дека со средства од буџетот на општината комплетно е променета дограмата во ова основно училиште и додаде дека планирано е средување на дворното место и оградата на основното училиште во населбата „Рид“ како и почеток на изградба на спортска сала и нова фасада во централното училиште. Општина Прилеп и во иднина ќе вложува во образованието со цел подобување на условите за следење на наставата.
За околу 10.300 ученици од основните и средните училишта од Општина Прилеп започна новата учебна година.

[Best_Wordpress_Gallery id=”27″ gal_title=”За повеќе од седумстотини првачиња започна учебната година”]

Деновиве започна препокривањето на подрачното основно училиште Манчу Матак во Славеј каде досегашните ѓерамиди ќе бидат заменети со термоизолациони панели кои ќе обезбедат далеку подобри услови од досегашните за дечињата од Славеј кои своето образование го оформуваат токму во ова училиште.

Со оваа инвестиција општина Кривогаштани продолжува со низата проекти за енергетска ефикасност на јавните објекти, што придонесува за поголема ефикасност и функционалност во работењето.

Средствата се обезбедени преку Сокотаб и општина Кривогаштани во износ од над 10 000 евра.

[Best_Wordpress_Gallery id=”24″ gal_title=”Варош – културна гордост”]

РК Охрид најдобри на првиот Меморијалeн машки ракометен турнир „Миле Нешкоски“. Второто место го освои екипата на РК Радовиш, а како трета се пласира екипата на РК Пелистер од Битолa. Градоначалникот Марјан Ристески им го додели пехарот на најдобрите и им посака уште многу победи во сезоната. За најдобар стрелец на Меморијалниот машки ракометен турнир „Миле Нешкоски“ беше прогласен Стефан Дрогишки од РК Пелистер, пехарот за најдобар играч му припадна на Јосип Кежиќ од РК Охрид, а за најдобар голман беше прогласен Милош Рајичиќ од РК Прилеп.
Меморијалниот турнир „Миле Нешкоски“ беше во организација на прилепскиот ракометен суперлигаш, РК Прилеп во чест на прерано починатиот ракометар и македонски ракометен репрезентативец, кој важеше за синоним на врвен ракометен спортист и ракометен работник.

[Best_Wordpress_Gallery id=”28″ gal_title=”РК Охрид први на Меморијалниот турнир „Миле Нешкоски“”]

Со големи овации од страна на публиката заврши втората вечер на Интернационалниот Џез викенд. Сношти летната сцена на ЦК „Марко Цепенков“ беше преполна со обожавателите на браќата Тавитјан и групата на Теодисии Спасов (Бугарија). Последната вечер со руската драмендбејз атракција Салто и алтер составот на Дарко Рундек – CUL DE SAC ќе биде затворен овогодинешниот Џез викенд. Џез-викендот е во организација на локалната самоуправа, а е дел од циклусот насловен „Сезонски фестивал“.

[Best_Wordpress_Gallery id=”30″ gal_title=”Заврши втората вечер од Џез викенд во Прилеп”]

Претседателот Ѓорге Иванов заедно со својата фамилија, градоначалникот Марјан Ристески, министерот за внатрешни работи Митко Чавков, државниот секретар во МВР, Анастасија Илиеска, пратениците во собранието на РМ и претседателот на совет Никола Димески денеска присуствуваа на Свечена Божествена Литургија во црквата „Успение на Пресвета Богородица“ – Трескавец.
Претседателот Ѓорге Иванов и Градоначалникот Марјан Ристески го честита празникот:
„На сите православни верници им упатуваме искрени честитки по повод празникот „Успение на Голема Богородица“, посакуваме мигови на разбирање, љубов, надеж и бериќет во секој дом и Господ да ги поведе во радоста на празникот и во љубовта кон верата.
Пратеничката Ане Лашкоска на сите православни христијани им го честита денешниот празник и посочи дека наскоро ќе започне изградбата на новите конаци на манастирскиот комплекс, еден од најзначајните и најобемните проекти, а при крај е изградбата и на источниот конак на манастирот „Свети Архангел Михаил” во Варош.
Повеќе граѓани, почитувачи на традицијата, денеска го посетија манастирот „Трескавец“ каде се празнуваше денешниот празник како и празникот на храмот.

[Best_Wordpress_Gallery id=”31″ gal_title=”Претседателот на РМ Ѓорге Иванов и Градоначалникот Ристески го честита празникот „Успение на Голема Богородица“”]

Името ОКТА беше спомената во неколку медиумски натписи во однос на квалитетот на горивото кое се продава до крајниот потрошувач. За расчистување на секаков сомнеж би сакале да појасниме дека ОКТА не е една од петте компании за кои Пазарниот инспекторат откри дека во измината година продавале гориво со помалку октани, велат од ОКТА.

ОКТА увезува и продава гориво што е во согласност со највисоките стандарди и ги поседува сите неопходни процедури и инфраструктура за да обезбеди соодветен квалитет на горивото што го продава на своите клиенти. Ние сме и единствената компанијата која што спроведува тројна контрола на горивото. Првата се спроведува во рафинеријата каде горивот се товари пред да биде транспортирано, втората контрола ја правиме кога тоа ќе пристигне во инсталациите на ОКТА и третата контрола се прави пред горивото да се испорача на пазарот.

Проблемот со увоз на гориво со низок квалитет од страна на неколку независни увозници, во повеќе наврати беше идентификуван од страна на ОКТА и пријавен во Пазарниот инспекторат. Државните органи прават најдобро што можат, но често се во недостиг на средства и ресурси за ефективно да го контролираат пазарот. ОКТА, која што покрива повеќе од 60% од увозот на гориво, придонесува кон непреченото снабдување со гориво со највисоки стандарди и затоа сме во позиција на нашите купувачи во целост да им го гарантираме квалитетот на нашите производи.

Во истите медиумски натписи беше споменат стар случај од 2012 година каде ОКТА наводно увезува гориво кое што не ги исполнува државните спецификации. ОКТА поднесе жалба против овој случај, којшто е се уште во судска процедура, врз основа на тоа дека резултатите од анализите спроведени од државните органи се неточни како резултат на недостаток на соодветна опрема и инфраструктура.

ОКТА ќе продолжи да ја поддржува државата во нејзините напори да го контролира квалитетот на горивото што се продава во земјава. Но исто така, ние ќе продолжиме да инсистираме на интензивирање на напорите и на подобрување на увозните регулативи, како и регулативите за квалитетот на течните горива, во согласност со валидниот Закон за енергетика и релевантните подзаконски акти со цел нормално функционирање на пазарот за течни горива, за доброто на потрошувачите и на целата економија.

Со зголемувањето на странските инвестиции во технолошко индустриските развојни зони во Штип, расте извозот но и креирањето на нови работни места. Според директорот на ТИРЗ Виктор Мизо во првите седум месеци од годинава извозот од Зоните изнесува 820 милиони евра и е поголем за 25 % во однос на истиот период лани. До крајот на годинава се очекува за над 15 % поголем извоз во однос на претходната година, пишува Лидер.

-Во првите седум месеци од годината, извозот на компаниите лоцирани во ТИРЗ-овите изнесува над 820 милиони евра, што претставува зголемување од 24 проценти споредено со истиот период 2014 година. Бележиме континуиран раст на креираните работни места, во 2015 година проектирана е бројка од околу 5.000 реализирани вработувања во компаниите лоцирани во ТИРЗ-овите. Во првите седум месеци најголем дел од зголемувањето на извозот се бележи од работата на веќе постоечките компании, тука би ги истакнал Џонсон Мети, Џонсон Контролс во Штип, Ван Хоол, Кемет во Скопје, но очекувам засилување на извозот во втората половина на оваа година со Техникал Текстајл, како и отпочнување на КСС, ОДВ Електрик, Гентерм дополнително да влијаат врз зголемување на извозот. Иако овие проекции беа дека за разлика од минатата, годинава ќе имаме зголемување за 10 до 15 %, таа бројка ја имаме надмината и до крајот можеме да збориме за зголемување на извозот за 30 %, изјави Виктор Мизо, директор на ТИРЗ.

Почна со работа Техникал Текстајл во Штип

Вчера во ТИРЗ Штип почна со работа германската компанија “Техникал текстајл“, инвестиција чини околу 15 милиони евра, а во неа ќе се произведуваат повеќе компоненти од фиберглас кој има широка примена во градежната, авионската и автомобилската индустрија. Ова е втора компанијата во Зоната во Штип. Активно работи Џонсон Контролс, а наскоро и италијанската компанија Кондево ќе започне со активности на средината на идниот месец. Нивната градба треба да заврши кон средината на идната година, но неколку месеци пред тоа ќе започнат со вработување на нови лица со тренинг и обука. Ќе се отворат 250 нови работни места.

-Тоа се одлични раздвижувања за штипскиот регион. Локалната економија веќе ги чувствува влијанијата на новите инвестиции. Пред неколку месеци се отвори и новата фабрика на „Актива“. Оваа фабрика е во директна врска со белгиската инвестиција на „Ван Хол“ која успеавме да ја привлечеме во изминатите години. Веднаш до новата фабрика на „Актива“ во наредниот период очекуваме изградба на уште една фабрика, овој пат на германската компанија „Семак Фешн“ која во таа зона има купено земјиште од околу 35.000 метри квадратни. Ако некогаш Штип беше град во кој фабриките се затвораа, денес сведочиме на обратен тренд. Денес штипскиот регион е претворен во едно големо градилиште. Се градат голем број објекти, се отвораат фабрики, луѓето се вработуваат, процентот на невработеност полека, но сигурно се спушта надолу, а сето тоа влијае за подобар и поквалитетен живот на граѓаните. Тоа е голема сатисфакција за нашата досегашна работа, рече Никола Груевски, премиер на Р. М

“Јас во месец мај минатата година бев во авион кон Абу Даби за да потпишам договор за изградба на нова производствена хала, односно токму оваа во која сега се наоѓаме, а требаше да биде изградена во Абу Даби. Тогаш во еден светски економски магазин прочитав мал прилог за Македонија. Се нудеа добри можности за инвестирање. Затоа веднаш решив да го сменам авионот и да заминам за Македонија за да се информирам подетално за инвестирање во вашата земја. Имаше и други земји во кои се нудеа и можевме да добиеме субвенции од Европската унија, односно други големи финансиски поддршки. Тоа во Македонија беше можно само во ограничени рамки, но Македонија покрај другото нуди многу мотивирани работници, голем потенцијал на соработници, многу силна општинска и државна поддршка и многу други работи. Токму ова ја направи локацијата Македонија за нас многу интересна, па оттука тука ние преку Германско-македонско стопанско здружение стапивме во контакт со г. Мизо, а тој со својот тим ни дадоа многу детални информации за можностите за отворање на производствен погон во слободните индустриски зони. Јас многу брзо бев убеден од сета понудена програма и веднаш започнавме со голема брзина да работиме на проектот, рече Јенс Вендланд, сопственик на Техникал Текстајл

До каде се активностите на останатите компании во зоните ?

“Одв Електрик минатата недела ги започна сите подготвителни активности во ниваната нова локација во охридско струшката технолошко индустриска развојна зона и во втората половина на месец септември ќе ја официјализираме почетокот на градбата. Во случајот на КСС тие го привршуваат нивниот обејкт во зоната во Кичево, нормално активно работат веќе на тест-производството во браунфилд објектот во центарот на Кичево и во втората половина на месец септември ќе почнат да ги инсталираат машините. Гентерм исто така започна со градба и се очекува на средината на месец септември да дојде првата компанијата за која ги изработуваат производите да направи увид на нивното производство , а во случајот на Леар тие ги завршуваат потребните активности за адаптација на браунфилд објектот во Гостивар и во блиска иднина ќе ги започнат активностите со значи, изградба на нивниот објект во ТИРЗ Тетово“ изјави Мизо.

Според пресметките годинава се очекува драстично да расте бројот на нови работни места со отпочнување на работа на овие компании и да достигне до 5000 работни места. Во наредните две до три години бројката на компаниите инвеститори нема само да влијае врз зголемување на извозот туку и ќе биде генератор на нови работни места, истакна Мизо.