Дел од разговорот меѓу претседателите на Русија и Турција, Владимир Путин и Реџеп Таип Ердоган, кои се сретнаа во Сочи пред неколку денови, стана вистински хит на социјалните мрежи.
Путин го повика Ердоган да го посети Сибир, бидејќи на -40 подобро ќе ја запознае Русија.
“Се надевам нема да ме оставиш таму”, рече Ердоган.
“Кога ќе бидеш подготвен, ѕвони”, одговори Путин. Сето тоа го забележа новинарот на Косомополитска правда, Димитриј Смирнов, кој е акредитиран во Кремљ.
Президентский юмор. Путин пригласил Эрдогана приехать в Сибирь – там минус 40 и можно получше узнать Россию. Эрдоган: Надеюсь, ты меня там не оставишь? Путин: Если соберешься – позвони! pic.twitter.com/lRefduSvvr
Одговарајќи на новинарско прашање, Зоран Заев откри дека на листата на претседателски кандидати на СДСМ се наоѓаат десет имиња за кои во моментов се прават анкети.
На таа листа се наоѓаат Абдулменаф Беџети, член на МАНУ како и Теута Арифи, поранешна вицепремиерка за европски прашања и сегашна градоначалничка на Тетово.
Шабан Шаулиќ загина во сообраќајна несреќа во Германија. Сите ги знаат неговите песни. Ако ги немате слушано, сигурно барем еднаш сте слушнале негова песна на веселба, на радио или телевизија.
Се работи за пејач кој во стара Југославија имаше поголема заработувачка од Здравко Чолиќ, “Бело Дугме” и “Сребрени Крила” заедно.
Песната “Дојди да остареме заедно” во 1978 година е продадена во 400.000 примероци, што било апсолутен рекорд во поранешна Југославија.
Во едно од неговите последни интервјуа кои ги дал пред трагичната смрт, за “Новости” во октомври минатата година, открива дека песната која најдобро ја отсликува неговата 50-годишна кариера е “Дојди за остареме заедно”.
“Иако секогаш сум бил доследен, понекогаш правев и по некој исклучок, ако мислев дека тој исклучок е добар за чекор понапред. Во таа смисла, најмногу се истакна песната “Дојди да остареме заедно”. Кога ја снимив, нема да верувате, добивав критики од моите колеги, кои ми рекоа: “Шaбан никогаш не си промашил ниту една плоча, но ова е дефинитивно промашување”. Образложението беше: “Ние тоа не го разбираме”. Сметаа дека сум заминал од народниот стил и навистина ми замерија. А јас само сакав да направам нешто ново, поразлично, интересно. Таа песна ја свиреа 50 луѓе во студиото, тоа беше симфонија. Ја пишував заедно со Раде Вучковиќ и се испостави дека навистина направивме револуција. Eксплодираше како атомска бомба и таа плоча беше најпопуларна во тогашна Југославија. Повеќе од милион и двеста илјади примероци. Беше вистински хит и голем чекор на музичката сцена”, рекол Шабан за “Новости”.
Екипата на научници меѓу кои е и сопственикот на компанијата “Вирџин”, милијардерот Ричард Бренсон, се врати од важната мисија од дното на Големата сина дупка во Белизе со возбудливи извештаи.
Сината дупка е најголемата светска мистерија, таа има пречник 300 метри и длабока е 125 метри. Во екипата на научници бил и Фабијен Кусто, внукот на славниот истражувач Жак Кусто, кој во 1971 година ја открил дупката во Белизе.
Експедицијата започна во декември 2018 година, а планот беше да открие што точно се наоѓа на дното.
Користејќи две подморници, експедицијата снимила нови фотографии и снимки во внатрешноста на Сината дупка и направена е првата 3Д карта на она што не наоѓа внатре.
New mission to explore Belize's Great Blue Hole: Virgin billionaire Richard Branson joined a new mission to solve one of the most captivating mysteries of the ocean — what lies at the bottom of the Great Blue Hole in Belize? https://t.co/6LxGILOifQpic.twitter.com/0uD7Ravqrp
“Македонскиот народ не е било кој народ. Значи ние сме еден од единствените во Европа кој што се запишани во Библијата. Ова го кажувам не само што е во делот на Павле каде што на него му се појавил човек од Македонија и му кажал “дојди во Македонија и помогни ни”. Тој дел од Библијата е толку битен што сите цркви во Америка кои што се Африканско-Американски, да кажам Баптистички цркви, речиси сите, или можеби 90% од нив се нарекуваат Македонски Баптистички цркви. Значи вие кога ќе отидете во Америка каде што еден голем дел од гласачите со Африканско-Американско потекло и кога ќе им кажете дека вие сте Македонец, тие во вас гледаат ангел”, вели Д-р Вера Лалчевска, Македонка од Скопје, политиколог во Женевскиот Институт за меѓународни односи и политики за меѓународен развој, при едно гостување во емисија на “Телевизија Алфа”.
Видеото деновиве е повторно актуелно на социјалните мрежи.
Количината на ѓубре која ја оставаме зад себе е загрижувачка, голем број на луѓе не се грижат за природата. За среќа има и луѓе како Миодраг Михајловиќ (58) од Куршумлија.
Миодраг пред една година започнал да собира пластичен отпад во населбата Кастрат во која живее, а неодамна во таа акција се вклучија и децата од населбата, на кои, за возврат, им направил игралиште во неговиот двор.
Михајловиќ за агенцијата Бета рекол дека цела година сам ја чистел населбата во која живее, така што секој ден го собирал пластичниот отпад во вреќи кои подоцна со трактор ги пренесувал до контениерите кои се наменети за тој вид отпад.
“Започнав да го собирам отпадот, бидејќи не можам да гледам како по улица се фрлаат шишиња, лименки и друг отпад. Залудно ги молев луѓето да не фрлаат отпад по улиците, па направив четири големи метални корпи кои ги поставив по улиците во Кастрат, но ниту тоа не вредеше”, вели Миодраг.
Тој потоа ги повикал децата од Кастрат да се вклучат во акцијата за чистење на населбата.
“Одзивот беше неверојатен, многу деца се вклучија во акцијата, секако со согласност на родителите. Мојата цел е децата да ги одвојам од компјутерските игри, мобилните телефони, повеќе од времето да поминуваат надвор од своите домови, да се занимаваат со спорт, а секој викенд организирам собирање на празни шишиња и друг пластичен отпад”, вели Михајловиќ.
Како би ги наградил децата за нивниот труд, тој во својот двор направил игралиште и им купил топки.
“Ги повикав децата и им кажав дека тоа е нивното игралиште, бидејќи во населбата нема друго”.
Акцијата вроди со плод па корпите кои Михајловиќ ги направил, секој викенд се полнис со отпад, а со помош на децата се празнат во другиот дел на дворот.
Не пропушташе посета, а да не се пофали колку го владее македонскиот јазик. Кралот на народната музика Шабан Шаулиќ во Македонија ги помина војничките денови.
Во 2015 година, како и на секој од неговите концерти во Македонија, Шаулиќ не ја пропушти можноста на македонската публика да ѝ се обрати на јазикот кој што го научил додека служел војска.
Војската не секому му буди убави спомени, но за мене тоа е веројатно е еден од најубавите периоди во животот. Со Македонија ме врзуваат многу убави спомени и секое доаѓање долу е како враќање дома.
Знам дека не зборувам македонски најдобро, но се трудам. Вашиот јазик е многу убав. За песните воопшто и не станува збор, рече тогаш пејачот.
Надворешната канцеларија за криминалистички работи Прилеп поднесе кривична пријава против Џ.О.(58) од Прилеп поради постоење основи на сомнение за сторено kривично дело „тешка телесна повPеда“.
На 08.02.2019 година во Прилеп, пред домот на пријавениот, по претходна вербална расправија, тој физички го нaпaднaл М.С.(42) од Прилеп и му нанел тешка телесна повPеда.
И по Мира Дизел доаѓа Милева Ѓорѓиева, исто така пратеничка на СДСМ. Пратеничката на СДСМ од Радовиш, Милева Ѓорѓиева, направила копи-паст на моделот за вработување наречен „Мира Дизел вработување“, ова денеска на прес-конференција го истакна Димче Арсовски од ВМРО-ДПМНЕ.
-Имено освен што и се вработи синот во МВР како инспектор за јавна безбедност, радоста во семејството на Милева го дополнува и вработувањето на уште неколку други членови на семејството. Прашуваме, дали е точно дека Љубица Илиева Ѓорѓиева снаа за син на Милева Ѓорѓиева е вработена во општина Радовиш на неопределено време?
Дали е точно дека исто така Петре Партиков брат на Милева Ѓорѓиева е вработен како педагог во ОУ „Атанас Нивичански“ со несоодветно образование?
Патем дали е точно исто така дека синот на Милева Ѓорѓиева, освен што добил вработување во МВР како инспектор, е поставен и за управител на РК Радовиш формиран од општината преку кој располага и со 5 милиони денари народни пари доделени од општинскиот буџет на општина Радовиш, вели Арсовски.
Тој додава дека ако сето ова е точно тогаш станува очигледно по логиката на СДСМ во Радовиш нема никој друг способен, па мора семејството на Милева Ѓорѓиева да се жртвува и за вработувања и за менаџирања.
-Има ли некој во семејството Ѓорѓиеви кој остана невработен и незгрижен за дебел хонорар и високи плати. Ако има апелираме веднаш да го вработат и него. Кои се критериумите според кои токму членовите на семејството на пратеничката од СДСМ, Милева Ѓорѓиева се вработени?
Зарем нема други луѓе во државата кои би добиле шанса да работат за вака солидни примања, па мора да се вработуваат синовите, браќа, ќерки, снаи, мајки, сестрите, баби, дедовци и се останато блиско сродство на функционерите на СДСМ.
Станува јасно дека во услови кога упропастуваат се во Република Македонија , СДСМ врши бесрамна партизација на државната администрација со вработување на најблиските роднини на функционерите. Ова е своевидна евакуација во државни јасли, свесни дека политичките кариери им се пред самиот крајот.
Ја изгубија довербата во граѓаните и ќе си одат од власта. Граѓаните го гледаат замавот на епидемијата на непотизам на оваа неспособна власт и единствениот лек таа да заврши е да бидат казнети на избори. Тоа што бегаат од соочување на избори само говори дека сакаат да си купат уште време за да добијат уште некое вработување, гранд или тендер, додава Арсовски.
Девојките од Прилеп кои настапуваат за репрезентацијата на Австралија го освоија бронзениот медал во Карате Премиер лигата која изминатиот викенд се одржа во Дубаи.
Фантастичното трио составено од сестрите близначки Маријана и Мишела Димоски, заедно со Кириaна Камческа, за медал во Премиер лигата ја совладаа Русија со резултат 24.82 – 23.32.
Финалето им избега за половина поен, каде загубија од Иран, репрезентација која беше најдобра во групата.
Сепак, девојките добија најдобра оцена од сите женски тимови, дури и од прво и второ рангираните репрезентации.
Златото на крајот им припадна на репрезентативките од Италија кои ги добија Иранките до резултат 24.4 – 24.04.
Италија инаку е добар познаник на нашите девојки, против кои забележаа победа во Шангај.
Нареден предизвик е Салзбург Сериа А, каде Маријана и Мишела ќе настапат и во поединечна конкуренција.
