На Крушево му треба развој, туризам и нови проекти. Со идниот градоначалник од ВМРО-ДПМНЕ Нико Чонески, ќе го развиеме градот, ќе изградиме обиколница, нова спортска сала и ќе ги реконструираме патните правци кои го поврзуваат Крушево, истакна денеска потпретседателот на ВМРО-ДПМНЕ, Александар Николоски, на средби со граѓани во Крушево.

„Мене ми е драго што имаме бројни реализирани проекти и проекти во најава. Сакаме да направиме инфраструктурен бум овде во Крушево, со цел Крушево да може економски да се развива. Можам да најавам дека преку ЈП за државни патишта ќе имаме четири големи проекти. Едниот е целосна рехабилитација на регионалниот пат од Кривогаштани до Крушево, вториот е рехабилитација на регионалниот пат кој што оди од Долно Сладуево до Крушево во должина од 20 км, ова е делот од Демир Хисар кога се доаѓа кон Крушево. Третиот е целосно асфалтирање на патот од Пуста Река, село на територија на Крушево до село Цер на општина Кичево. Ова се работи кои ќе ги работи ЈПДП што практично значи дека двата влеза кои ги има градот ќе бидат целосно рехабилитирани за полесно да се доаѓа до градот“, потенцираше Николоски.

Како што додаде Николоски, преку Министерството за транспорт се работи и на локални улици во градот, а следуваат и нови проекти преку поддршката од Владата.

„Тоа се улиците Кочан Миленку и Манчу Матак. Таму проектот завршува, очекуваме следната недела веќе да поставиме хоризонтална и вретикална сигнализација и да го пуштиме во употреба и ова многу ќе значи за жителите кои гравитираат кон тие улици. Од првиот повик тука е реконструкцијата на општинскиот пат од село Врбец до Митрени, како и реконструкцијата на патот во село Јекреново, а од вториот повик со идниот градоначалник ќе реализираме пристапна улица до ски терените во Крушево, што многу ќе помогне за развој на туризмот и подобрување на ски сезоната. Исто така, и обиколница која е многу години ветувана и никој не ја реализирал. Првата фаза е во вредност од 1 милион евра и заедно со идниот градоначалник ќе ја реализираме“, рече Николоски.

Тој најави и изградба на мултифункционална спортска сала со основна намена за подготовки на националните репрезентации во различни спортови, а истакна и дека доаѓаат промените во Крушево.

„Со градоначалникот ќе работиме на други бројни проекти кои следуваат. Јас сум убеден дека ќе имаме голема победа во недела, дека ќе се случат промените во Крушево како што лани се случија на ниво на цела држава и дека ова владеење на СДСМ и ДУИ ќе добие точка и во Крушево и заеднички ќе ја развиваме општината“, потенцираше потпретседателот Николоски.

Во Завод и музеј – Прилеп вечер од 19 часот ќе биде отворена изложбата „Врбјанска Чука: зрно по зрно, погача“ во организација на Завод и музеј – Прилеп и Центарот за истражување на предисторијата.

Изложбата е резултат на десетгодишната соработка меѓу овие две институции во проучување на археолошкиот локалитет Врбјанска Чука во Пелагонија.

-На изложбата ќе бидат претставени најновите резултати од мултидисциплинарните истражувања меѓу повеќе македонски и европски институции кои дадоа сосема ново видување на овој мошне значаен локалитет за македонската и светската археологија. Тие ќе бидат изложени заедно со прекрасните артефакти откриени од целокупното проучување на Врбјанска Чука, со што, покрај научните сознанија, ќе бидат истакнати уметничките, стопанските и техничките достигнуваања на едни од првите земјоделци во Македонија, соопштија организаторите.

Изложбата е финансиски поддржана од Министерство за култура и туризам во рамки на проектот „70 години НУ Завод и музеј – Прилеп“.

Актуелниот градоначалник од ВМРО-ДПМНЕ, Тони Коњановски, го доби Уверението од Општинската изборна комисија за втор мандат.

Во продолжение интегрално обраќање на Коњановски:

Почитувани сограѓани, драги мои битолчани,

Денес, со врачувањето на Уверението за избран градоначалник, кој ќе раководи со општина Битола во наредните 4 години од страна на претседателот на Општинската изборна комисија Игор Талевски, влегувам во новиот четиригодишен мандат, како градоначалник на општина Битола.

Зад себе оставам мандат со четири години посветена работа во интерес на граѓаните на Битола. Кога ќе направам ретроспектива на изминатите 4 години, во кои се реализирани стотици проекти кои донеле подобар живот во општината и подобри услови за граѓаните, не можам, а да не бидам горд. Се градеше насекаде, од централното градско подрачје, до најоддалечените рурални места. Се работеше на јавните објекти, топлификацијата, инфраструктурата, културата, спортските објекти, се изградија патишта од над 50 километри.

И сѐ уште се гради, не само поради проектите кои што ги започнавме, туку затоа што веруваме дека нашиот град заслужува да има иднина, заслужува да биде поквалитетно место за живеење и заслужува да се движи напред. Во следните четири години, очекувам дека ќе дојдат резултатите со кои ќе се заокружат најголемиот дел од сегашните проекти и од еден град кој пред само неколку години беше слепо црево, Битола ќе си го врати својот препознатлив сјај. Битола и битолчани го заслужуваат тоа.

Поставивме цврсти темели врз кои ќе може да се надоградува модерна, урбана, чиста и динамична Битола, со темели на инфраструктура, на енергетска ефикасност, на нови образовни стандарди, на култура и спорт, на заштита на животната средина.

Инфраструктурно, реализирани се многу проекти на кои граѓаните позитивно реагираа, но за дел од реализираните проекти има и критики. На критиките, секогаш се обидував да одговорам, па дури и доколку општината нема вина. Гласот на народот е главната моја сатисфакција и мерка за сработеното. Кој што работи, само тој може да згреши. Лесно е да се критикува и да се напаѓа, но доблесно е да се признае дека во Битола никогаш повеќе од сега не се градело, не се работело и не се правело за севкупниот живот во градот, вклучувајќи го и спортот, културата, социјалата итн. Граѓаните реалирале, по што, според нашите законски можности ние сме реагирале до изведувачите, кои што пак, на сопствен нивни трошок ги санирале недостатоците. Ќе повторам, се работи транспарентно, отворено, во интерес на народот и оттука, секоја забелешка на граѓаните, ја примам како конструктивна и како предизвик да се добие најдоброто за битолчани. Така ќе продолжам да работам и во овој мандат.

Сега, драги мои сограѓани, доаѓа период во кој трудот што го вложивме, ќе почне да носи видливи резултати. Следните четири години ќе донесат реализација на нови проекти и години на живеење со резултатите од сето тоа што го работевме. Очекувам и во овој мандат, да добиеме голема поддршка од Владата, предводена од премиерот Христијан Мицковски. Во двата повици за капиталните проекти, добивме огромна поддршка и бевме град со најголем број на добиени апликации. Ниту тоа не е случајно, бидејќи покажавме дека знаеме како да го придвижиме градот напред, да ја издигмене културата, спортот и економскиот напредок.

Битола ќе добие уште подобра инфраструктура – нов булеварски влез од станата на Охрид, функционални улици во градот и руралните средини. Јавните простори ќе се оплеменуваат и зазеленуваат за да бидат живи места на средби, активности и семејни дружби. Образованието останува наш приоритет, а образовните институции ќе го надоградуваат својот енергетски изглед и капацитет.

Поставени се темелите на новите културни вредности, кои во наредните години ќе ги надградуваме и ќе привлекуваме уште поголем број на туристи.

Спортските објекти и натаму ќе бидат носители на спортскиот дух и создавање на големи резултати на нашите спортисти, кои ќе ја надополнуваат битолската спортска историја. Во текот на овааа и следната година, ќе се работи на изградба и реконструкција на девет училишни спортски игралишта во училиштата „Даме Груев”, „Климент Охридски”, „Трифун Пановски”, „Ѓорѓи Сугарев”, „Гоце Делчев”, „Турското” училиште „Гоце Делчев“, „Коле Канински” – нас. Буковски ливади, во училиштето „Тодор Ангелевски”, како и во подрачното училиште во Г. Оризари. Во постапка е изградбата на трите спортски сали во училиштата „Стив Наумов“, Тодор Ангелевски” и “Даме Груев” – подрачно училиште во Долно Оризари. Со овие реконструкции и изградби и досегашните вложувања, заокружуваме над 20 спортски објекти и игралишта во градот.

Затоа, заедно со мојот тим, ќе продолжиме да работиме на создавање на нови работни места, да привлекуваме инвестиции и да ги задржиме младите, нудејќи им квалитетен живот. Да ја јакнеме локалната економија со социјален напредок. Ова е заедничка мисија на сите нас кои што ја сакаме Битола и кои што сакаме да го гледаме градот како напредува. Во изминатите години заедно покажавме дека можеме да градиме и да изградиме, а во следните години, заедно ќе покажеме дека можеме да живееме подобро.

Битола е град на историјата и традицијата, но и град на млади луѓе кои имаат право да сонуваат за сопствена иднина дома, во својот град. И како заклучок на самиот крај би издвоил дека градот живее, младите се радуваат, а всушност, тоа е и нашата цел. Да ги задржиме, да ги привлечеме со нови успешни приказни, со зајакната економија, со добра инфраструктура, со здрава животна средина, со услови овде да ги растат своите деца, а ние да се радуваме на нашите внучиња. Да им дадеме достоиствен живот не само на младите, туку и на сите жители на општина Битола. Да се гордеат на својот град, на успесите на своите сограѓани, а јас како градоначалник, да продолжам да го реализирам зацртаниот пат за поуспешна и поубава Битола.

Ви благодарам од срце за довербата и за поддршката!

Претставници на Витаминка учествуваа на 11-тиот FMCG самит во Скопје, настан што во последнава декада прерасна во најголем трговски настан, обединувајќи го целиот малопродажен сектор.

Наши претставници на самитот на кој говореа десет врвни говорници од Македонија, регионот и од светот беа Душица Неделкоска и Христијан Печијарески и Кире Јовески, менаџери за клучни продавачи во Витаминка.

Етаблираните говорници споделија практични искуства, инспиративни приказни, релевантни истражувања и конкретни совети во однос на трансформацијата во секојдневното работење на компаниите.

Говорниците на самитот се осврнаа на ценовните стратегии и репозиционирањето на брендови, новите технологии во малопродажбата и дигиталната трансформација, промените во потрошувачките навики, in-store брендирањето и растот на дисконтерите кои го менуваат пазарот. Исто така, беа опфатени теми за перформанс менаџмент, лидерство и митовите во FMCG индустријата.

Со своето постојано присуство на вакви етаблирани настани, Витаминка уште еднаш ја потврдува својата посветеност да биде во тек со најновите пазарни тенденции, трендови и иновации што го обликуваат FMCG секторот.

Нико Чонески во вториот круг на локалните избори ќе се бори за градоначалничкото место во Крушево. За градот кој го нарекува гордоста на Македонија, тој понуди програма богата со низа проекти за подобар живот на сограѓаните.

Во интервју за “КУРИР”, Чонески зборува за состојбата во која се наоѓа општината во моментов, проблемите со кои крушевчани се соочуваат, но и неговата програма која нуди решение на тие проблеми.

КУРИР: Голем број на крушевчани Ви дадоа поддршка во првиот круг на локалните избори. Во пресрет на гласањето во недела какви резултати очекувате?

-Сакам да се заблагодарам на сите жители на Општина Крушево што ми дадоа доверба во првиот круг. Нивната поддршка ми дава сила да продолжам со истото темпо и ентузијазам, заедно да изградиме подобро Крушево и просперитетна иднина за нашите деца. Сега, во вториот круг, потребна е уште поголема мобилизација односно секој глас е клучен за да се постигнат сите наши цели. Сакам да повикам да останеме единствени и решителни во борбата за поубаво утре. Се разбира дека очекувам позитивен резултат и голема победа во вториот круг.

КУРИР: Кога зборуваме за Крушево, градот кој за Вас претставува гордост на Македонија, оценувате дека се потребни промени и јасен план бидејќи општината во моментов функционира без насока и визија? Кои се најголемите проблеми на Вашите сограѓани?

-Точно, кога станува збор за Крушево, еден од најубавите и најисториски значајни градови во Македонија, има огромен потенцијал, но исто така е важно да се признае дека без јасна стратегија и план, неговото развивање и напредок може да биде забавено.

Во однос на вашето прашање, ако говориме за моменталните проблеми со кои се соочуваат сограѓаните, може да се фокусирате на неколку области:

– Недостаток на инфраструктура и инвестиции. Крушево, како мал град, има потреба од модернизација на инфраструктурата, особено во делот на патната мрежа.

-Проблем со водоснабдување. Општина Крушево се соочува со голем проблем во водоснабдување, особено во летниот период кога градот е полн со туристи.

-Немање канализација претставува сериозен проблем во населените места.

– Недостиг на работни места и економски развој. Многу млади луѓе одат во поголемите градови или странство во потрага по работа. Треба да се создадат услови за инвестирање во локален развој, што ќе донесе нови работни места и ќе ја зајакне локалната економија.

-Недоволно развиен туризам. Иако Крушево има огромен туристички потенцијал, на пример, преку своето историско значење, алтернативен туризам и екстремни спортови, убавината на природата и зимските спортови, многу од овие можности не се во целост искористени. Потребни се инвестиции во туризам и промоција на Крушево во земјата и светот.

-Млади луѓе и нивната перспектива. Многу млади луѓе не гледаат перспектива во Крушево и се одлучуваат да го напуштат градот. Потребна е политика за поддршка на младите, развој на образовни програми и иницијативи за самовработување.

-Социјални и здравствени услуги. Иако Крушево има малку поинаква динамика од поголемите градови, и тука има потреба од подобрување на здравствените и социјалните услуги.

-Постојната депонија, која често гори во летен период и предизвикува загадување и непријатните миризби.

КУРИР: Тоа што се наталожиле долгови и нерешени проблеми може да биде резултат на недомаќинско работење. Може така да се оцени дека досега функционирала општината водена од актуелниот градоначалник-недомаќински?

-Апсолутно може да се каже дека општина Крушево водена од актуелниот градоначалник покажува негативни резултати во финансиското работење. Моменталниот долг на општината изнесува 1.200.000 евра што е доволен показател на погоре наведеното. Општината нема план и стратегија со што долгот е во постојан пораст. Сите економски параметри покажуваат финансиска нестабилност особено за една мала општина како Крушево.

Целото интервју прочитајте го ТУКА

На 8 ноември на МРТ и на јутјуб каналот на Бушава азбука ќе почне да се емитува „Буквождер“, нова македонска анимирирана серија за деца која ја слави магијата на јазикот, пријателството и заедништвото.

Малите херои, Дарија, Марко и Филип заедно со нивниот чудесен сојузник бувчето Ѕе, тргнуваат во авантури полни со хумор, музика и корисни знаења за јазикот и секојдневниот живот.

Првата сезона од „Буквождер“ има 10 епизоди и е планирано покрај нив да се појават и дополнителни содржина како песни, едукативни видеа, сликовници, игри за развој на креативноста и слично.

„Буквождер“ е новото официјално поглавје од проектот „Бушав свет“, токму во годината кога се одбележуваат 40 години од првото емитување на „Бушава азбука“, копродукција на 2БА Продукција, Види Вака раскажувачко студио и МРТВ.

– Многу сум среќен дека конечно „Буквождер“ ќе ја доживее својата премиера. Проект кој е работен со многу љубов и феноменална екипа на која сум многу горд. Носиме свежа и многу потребна забавно-образовна содржина за деца, вели Георги М. Унковски, режисер и продуцент.

Гласовите на Дарија, Марко и Филип ги позајмуваат Ивана Павлаковиќ, Дамјан Цветановски и Ангела-Александра Ивановиќ, а сценариото е на Калија Киселичка.

Томи Џуровски е уметнички директор, дизајнот на звук е на Сашко Поттер Мицевски, ко-дизајн на звук Марко Наумовски. Тимот аниматори е составен од Горан Менков, Никола Димов и Дамјан Михаилов, а монтажата е на Марјан Николовски. Композитор на музиката е Георги Шарески. Продуценти на серијата се Горан Игиќ и Мите Кузевски.

– Ова е едукативна авантура има за цел да поттикне љубопитност кај децата и кај возрасните, но и да ги поврзе световите на „Бушава азбука“ и „Буквождер“, да си ги вратиме бушавите букви дома преку една нераскажана приказна за нив што ќе пополни една голема празнина од 40 години и ќе нè одведе поблиску до реализација на „Бушав буквар“, последното дело на Горан Стефановски и играно продолжение на „Бушава азбука“. Со емитување на МРТ и паралелна дистрибуција на нашите социјални мрежи, ја правиме серијата достапна, бесплатна и блиска до семејствата, вели Горан Игиќ, продуцент на Буквождер и ко-основач на Види Вака раскажувачко студио.

Во битолско Буково се извршува асфалтирање со должина од 600 м на завршниот асфалтен слој на левиот дел од коловозот, а со тоа проектот ,, Доградба на коловоз на локален пат за село Буково Општина Битола “, е во завршна фаза – информираат од општина Битола.

Како што и предходно е напоменато, извршена е стабилизација на банкината, за одводнување на коловозот се вградени префабрикувани бетонски каналети. Со извршеното асфалтирање се реализира проектната ширина на асфалтниот дел од коловозот кој изнесува 5,50 м.

Со ова се исполнува барањето на жителите на село Буково за побезбедно одвивање на сообраќајот.

Вториот круг нека биде нашата јасна победа. Не само во бројки, туку победа во свеста. Македонија ќе оди напред. Скопје ќе биде гордост на сите. И победата ќе биде победа на народот, истакна претседателот на ВМРО-ДПМНЕ, Христијан Мицкоски, на завршниот митинг во центарот на Скопје пред гласањето в недела на вториот круг од локалните избори.

Тој порача дека граѓаните не гласаат само за градоначалник или советник, туку гласаат „за ред, за достоинство, за иднина“.

За кандидатот за главниот град, Орце Ѓорѓиевски, Мицкоски рече дека со него „Скопје добива градоначалник кој ќе работи неуморно, вреден борец, посветен, човечен, личност која ќе направи да се гордееме сите, но и кој е свесен дека резултатите и испорачаните проекти се обврска исто како и довербата“.

– Орце Ѓорѓиевски е доказ дека можат да се направат промени кога некој работи со срце. Човек што не ветува без да е сигурен дека може да исполни, и кој испорачува за граѓаните. И кога гледам што Орце направил за Кисела Вода, знам дека истиот дух, истата енергија и истата совесност ќе ја донесе во Скопје. И Скопје ќе влезе во една нова фаза на предвидливост и извршување на обврските. Орце е сериозен, присебен, прилично методичен карактер. Тој ќе го направи Скопје повторно да живее слободно и да дише слободно. Град каде што јавниот превоз нема да е изговор и да се прекршува врз суети и изговори, туку систем; каде што пешачките премини значат безбедност, а не се руски рулет; каде што отпадот е ресурс, а не срам и загаденост. Скопје бара управување, не експеримент. За Орце, Скопје е мрежа на животи. И сега му треба вашиот јасен мандат за Скопје да стане град на ред, чистота, култура, лесно движење, рамно развиени општини и чесна локална економија – истакна лидерот на ВМРО-ДПМНЕ.

Мицкоски повика да се гласа и за нивните кандидати во скопските општини Карпош, Аеродром, Шуто Оризари и Центар, како и во блиската општина Чучер Сандево, затоа што тоа е, рече, вистинскиот избор.

Нагласи и дека на овие избори постои историска шанса за Кичево, каде што, рече, „дваесет години таму немало градоначалник што ја носи нашата програма, нашите вредности, немало човек кој гледа за сите, туку гледал само за себеси“.

– Дваесет години градот беше под управување кое често ги делеше луѓето по вера, народност или партија. Вечерва испраќам порака од овде, од Скопје, до сите кичевчани, и Македонци, и Албанци, и Турци, и Власи, и Роми, Срби, Бошњаци: во недела да гласате за човекот што ќе биде градоначалник на сите. Да се обединиме околу идејата дека Кичево може да биде симбол на соживот, а не на поделби. Да ја направиме историјата вистина: првпат по две децении, Кичево да има градоначалник кој не прашува „чиј си?“, туку „што можеме да направиме заедно?“ Тоа ќе е заедничка историска победа на сите граѓани на Кичево, а ние како влада ќе го помагаме Кичево максимално во свои напори да го подобри животот на сите негови граѓани – порача Мицкоски.

Како што рече, „тука нема етничка приказна, туку сосема човечка димензија“.

– Ова не е повик за етничко гласање, туку за гласање за човек, за човек Македонец со сопруга Албанка, кои се пример за вредности и сила, човек кој ќе работи за сите, за своите кичевчани, ќе биде градоначалник буквално за сите, за Македонците, Албанците, ќе работи и за Турците, Ромите, Власите, Бошњаците, за сите кои таму живеат, без разлика на партија, етникум и верска определба. Тој е човек и ќе работи за Кичево – додаде лидерот на ВМРО-ДПМНЕ.

Роден е во Антиохија. Во младоста добро ја изучи грчката философија, медицината и иконописот. Во времето на делото на Господ Исус на земјата Свети Лука дојде во Ерусалим и таму Го виде Спасителот лице в лице, ја чу Неговата спасоносна наука и стана сведок на Неговите чудесни дела. Откако поверува во Господ, Св. Лука беше вбројан меѓу Седумдесеттемина апостоли и пратен на проповед. Заедно со Клеопа Го виде воскреснат Господ на патот за Емаус (Лука 24).

По слегувањето на Светиот Дух на апостолите, Лука се врати во Антиохија и таму му стана сотрудник на Св. апостол Павле со когошто патуваше во Рим, обраќајќи ги во Христовата вера Евреите и незнабожците. „Ве поздравува Лука, лекарот љубезен“, им пишува на колосјаните Св. апостол Павле (Колосјани 4, 14).

На молба на христијаните го напиша Евангелието, околу 60 година. После мачениката смрт на Св. апостол Павле Свети Лука го проповедаше Евангелието по Италија, Далмација, Македонија и на други места. Ја иконописаше Пресвета Богородица – и тоа не една туку три икони – а исто така Светите апостоли Петар и Павле. Оттука Свети Лука се смета за основач на христијанскиот иконопис. На старост го посети и Горен Мисир. Од Мисир се врати во Грција, каде што со голема ревност продолжи да проповеда и да ги обраќа луѓето кон Христа, не обѕирајќи се на својата длабока старост.

Свети Лука ги напиша Евангелието и Делата Апостолски, обете посветувајќи му ги на Теофил, кнезот на Ахаја. Имаше осумдесет и четири години кога злобните идолопоклоници го подложија на маки заради Христа и го обесија на една маслина во градот Тива (Теба) Беотиска. Чудотворните мошти на овој прекрасен светител во времето на Константиновиот син, царот Констанциј, беа пренесени во Цариград.

-На 29.10.2025 во 11:10 часот во ОВР Прилеп е пријавено дека на крстосницата од бул. „Гоце Делчев” и ул. „Архиепископ Доситеј” во Прилеп се случила сообраќајна несреќа помеѓу патничко возило „шкода“ со битолски регистарски ознаки, управувано од П.А.(58) од Битола и патничко возило „сеат“ со прилепски регистарски ознаки, управувано од Б.Ѓ.(71) од Прилеп. Во несреќата со тешки телесни повреди се здобил Б.Ѓ., додека со телесни повреди се здобиле П.А. и неговата сопатничка К.П.(38) од Прилеп, констатирани во Општата болница во Прилеп. Извршен е увид од увидна екипа од ОВР Прилеп, информираат од МВР.