Засега не се планираат рестрикции на границите и во организирањето помасовни настани, но можно е од есен да ги има за невakцинираните граѓани. Се размислува за ограничувања од септември или октомври за оние што не примиле вakцина, најави вчера министерот за здравство Венко Филипче, соопштувајќи дека следат што преземаат другите земји за заштита од Koвид-19, особено со ширењето на позаразниот делта coj.
– Некои земји воведуваат брзи тестови за влез во маркети, места за културни настани итн. Размислуваме за тоа, но одлука сè уште не сме донеле. Меѓутоа, ако процениме дека ризикот од невакцинираните, генерално популацијата, вклучувајќи ги и вakцинираните, е доволно голем, ќе воведеме рестриктивни мерки, нагласи Филипче.
Во пресрет на новата учебна година, од средината на август ќе има интензивна кампања за вакцинирање на вработените во училиштата и во градинките кои, како што рече, се најкритичните и најбитните сектори за да може нормално да работат од септември.
Филипче повторно апелираше до граѓаните дека вакцинирањето е единствен начин да се смени сликата за пандемиjaта, притоа посочувајќи дека само 0,02 е процентот на заболени од Koвид-19 кои се целосно вakцинирани.
– Од вкупно 330 илјади ревakцинирани, 92 пациенти се заболени од Koвид-19. Ова е уште еден доказ за тоа колку е корисна вakцината, додаде Филипче.
Тој оцени дека процесот на имунизација се одвива прилично добро и дека до денеска се очекува надминување на 500 илјади лица кои примиле барем една доза, така што до крајот на август половина милион граѓани ќе бидат целосно имунизирани. Ревакцинирани (со двете дози од антиkoвид-вakцината) сега се над 330 илјади. На теренската вakцинација досега се вakцинирани околу 200 илјади лица – просечно помеѓу три и пет илјади дневно.
Како што информираше министерот, во источниот дел на државата има мал опфат на вакцинација, а прилично е висок во Охрид и во Битола. Околу 60 проценти од населението над 65 години е веќе вakцинирано, а од 19 јули, кога почна имунизирањето на пријавени деца од 12 до 17 години, вakцина досега примиле 630.
Покрај вакцинирање на пунктовите и на терен во рурални средини, македонски граѓани и натаму се вакцинираат во соседна Србија – во Бујановац, Врање, Ниш и Белград.
Координаторката на пунктот на белградскиот саем Светлана Мичиќ за агенцијата Бета изјави дека таму дневно се вакцинираат меѓу 300 и 500 лица, а за време на викендите меѓу 600 и 800 и дека половината од нив се државјани на Северна Македонија или Босна и Херцеговина, но дека одѕивот се намалува.
Според податоците на Здравствениот центар во Врање, до 23 јули на вакциналниот пункт во спортсака сала во овој град, со првата доза се вакцинирани 12 006, а со втора доза 9392 македонски граѓани.
Во дневната статистика Министетството за здравство вчера евидентираше 39 нови случаи на Koвид-19 од 3839 тестирања. Оздравени се 12 пациенти и не е регистриран починат.
И натаму најголем број од новозapaзените се од Скопје (12) и Тетово (14) кои имаат и најмногу активни случаи (118 и 94). Гостивар има пет нови случаи, Куманово четири, Кичево два, а Битола и Валандово по еден.
Двоцифрен број на активни случаи имаат уште три општини: Куманово (36), Гостивар (21) и Кичево (10), а 15 општини немаат Koвид-позитивни. Вкупно активни во државата има 326 лица.
