Промоцијата ќе се одржи денес во летната бавча при НУЦК ,,Марко Цепенков” – Прилеп во 20:00 часот.

– Со задоволство Ве поканувам на промоцијата на моето првенче ,,Скриените зборови”, која ќе се одржи на 30ти јули со почеток во 20:00ч во летната бавча при НУЦК ,,Марко Цепенков” – Прилеп.

Се надевам итро ќе ги откриете умешно скриените зборови, не само во самата поема, туку и во тоа внатрешно Ваше ЈАС!

Не си играјте со здравјето и не излегувајте без потреба, температурите надвор се пеколни…

Наш читател ни испрати фотографија на која може да се види температурата во автомобил, и тоа оставен под сенка.

50 степени, како да си во Египет, или Кушадаси…

Според метеоролозите ваквото време ќе се задржи до 6 август.

Aктивирано e портокалово ниво на опасност од високи температури, а вредноста на УВ индексот изнесува 9. Наместа долж Повардарието температурата ќе го надмине и 42-тиот степен, соопшти Управата за хидрометеоролошки работи.

Синоќа на истово ова место, Христијан Мицкоски и ВМРО-ДПМНЕ одржаа партиски митинг, при што на виделина излезе безидејноста и очајот во кој се наоѓа најголемата опозициска партија – истакна на денешната прес конференција портпаролот на ОО СДСМ Прилеп, Филип Попоски.

“Во деновите кога комплетното поранешно државно и партиско раководство на ДПМНЕ, чиј најблизок соработник беше токму Мицкоски, е осудено на повеќегодишни затворски казни заради пљачкосување на сопствената држава, тој бесрамно зборуваше за борба со криминалот и корупцијата.

Марионетата на унгарскиот бегалец вети изградба на автопат од Велес до Меџитлија, во моментите кога во полн ек е изградбата на експресниот пат Градско-Прилеп и кога Владата на СДСМ веќе го најави автопатското решение од Прилеп до Битола”, истакна меѓудругото Попоски.

Синоќа на седница на Извршниот одбор на партијата, беа дефинирани уште неколку кандидати за градоначалници од редовите на СДСМ.

По спроведените испитувања на јавното мислење, по истражувањата и анализите во органите на партијата и секако по консултација со членовите, дефинирани се дополнителни пет кандидати за градоначалници, информираат од СДСМ.

1. Ѕвонко Пекевски – Берово

2. Борис Георгиевски – Гази Баба

3. Јасмина Гулевска – Могила

4. Тони Делков – Неготино

5. Даниел Крстевски – Ранковце.

Православните верници денеска го одбележуваат празникот на света великомаченичка Марина, во народот познат како Огнена Марија, која се почитува како бopeц за xpистијанската вера и заштитничка на жените.

Според народното верување, Света Марина пали и казнува со огин и како и Свети Илија кој казнува со гром, спаѓа во огнени светци.

Обичај е да на овој празник, кога поради големата жештина гори и небото и земјата, ништо да не се работи.

Во преданијата има примери за оган и громови кои во врелите празнични денови го палеле житото, сеното и домовите на луѓето кои работеле на овој празник.

Иако овој празник на црквата во календарот не е означен со “црвена буква”, но сепак е многу почитуван во црквата и меѓу народот.

Празникот најмасовно се празнува во Манастирот Св. Марена во село Туминец во Мала Преспа.

Манастирот кај Туминец датира од 18 век, а обновен е во 1926 година. Се наоѓа на самиот брег од Преспанското езеро, локација која самата по себе му дава дополнителна убавина и привлечност.

Селото Туминец е едно од десетте населени места во Мала Преспа. Се наоѓа на самиот брег на Преспанското Езеро во близина на граничниот премин Стење-Горица и е второ село по големина, со околу 800 жители.

Претседателот на Собранието Талат Џафери ќе ги распише локалните избори на 6 август, петок.

Првиот круг на изборите ќе ги закаже за 17 октомври согласно Изборниот законик и Уставот дека локалните избори се одржуваат во втората половина на октомври, а мандатот на локална власт е 4 години без можност за продолжување.

Во одност на измените на Изборниот законик, Џафери на денешниот брифинг со новинарите, не сакаше да прецизира дали ќе бидат донесени пред годишниот одмор на пратениците кој почнува на 1 август.

Напомена дека комисијата за политички систем треба да ги заврши амандманите, но и дека голем дел од поднесените амандмани биле вратени поради несоодветно користење на уставно име.

ВМРО-ДПМНЕ вечерва во Прилеп ги промовираше политиките од новата политичка платформа “Македонија за сите луѓе”. Исто така официјално беше промовиран и кандидатот за градоначалник на општина Прилеп, Д-р Борче Јовчески.

Пред граѓаните се обрати и лидерот на партијата, Христијан Мицкоски, кој ја критикуваше работата на претходниот министер за транспорт и врски за незавршената работа околу изградбата на патотот Прилеп-Градско.

“Четири години беше министер, камен на камен не постави. Па потоа отиде малку во царина, па малку координатор, малку пратеник, па сега сакал да биде малку градоначалник, но прилепчани јасно вечерва кажуваат кој сакаат да биде иден градоначалник, Д-р Борче Јовчески”, рече Мицкоски.

“Денеска во Прилеп имаме поранешен началник во полиција, кој што до вчера беше одличен лакеј на власта на Заев, фатен во трговија со недозволени опојни дроги, а добив информација, не знам дали е точна, дека на 30-тина метри од овде се продава таква дрога, се трујат млади деца. И тоа е се’ со знаење на власта, затоа што тие се тие кои тоа го продаваат. Но, јас ви ветувам дека првата работа која што ќе ја направиме во новата Влада со идниот градоначалник, е најпрвин тие луѓе да ја добијат заслужената казна, а потоа ќе провериме како се стекнува без ниту еден ден работен стаж, 400.000 евра возен парк. Да провериме, како пријателите на овие претенденти за градоначалничка функција стекнале возен парк во вредност од 400.000 евра, без ниту еден ден стаж”, истакна Мицкоски.

ВМРО-ДПМНЕ вечерва на плоштадот “Александрија” во Прилеп ги промовираше политиките од новата политичка платформа “Македонија на сите луѓе”.

Партијата и официјално го промовираше Д-р Борче Јовчески за кандидат за градоначалник на општина Прилеп, кој имаше прекрасно претставување пред присутните.

Граѓаните го дочекаа со аплаузи и овации, а Јовчески се претстави како народски и чесен човек.

Говорот на Д-р Јовчески и реакциите на прилепчани проследете ги во продолжение:

Во Прилеп на пат за настанот каде се промовираат политики на ВМРО-ДПМНЕ, лидерот на партијата Христијан Мицкоски доживеа cooбpaќajна незгода.

Како што дознава “Курир”, сообраќајката се случила откако непознато возило удрило странично во возилото во кое се превезувал Мицкоски.

Причинета е помала материјална штета и нема повредени во сообраќајката, освен помал потрес причинет од ударот на двете возила.

Mицкоски вечерва се обрати пред прилепчани и ги промовираше новите политики на партијата, а најави и одговорност за сите кpивични дела во Прилеп.

Повеќе слушнете во видеото во продолжение:

Видеото кое во вторникот го објавила непрофитната организација “Колумбија Риверкипер” прикажува група лососи како пливаат во речна притока, прекриени со црвени лезии и бели габи, како резултат на стрес и изложеност на екстремни температури, пишува “Guardian”.

Лосос во реката Колумбија се “сварил речиси жив” кога температурите на водите пораснале во текот на рекордниот бран горештини на северозападот на Тихиот океан, група активисти за заштита на животни забележала вознемирувачка глетка.

Видеото кое во вторникот го објавила непрофитната организација “Колумбија Риверкипер” прикажува група лососи како пливаат во речна притока, прекриени со црвени лезии и бели габи, како резултат на стрес и изложеност на екстремни температури, пишува “Guardian”.

На денот на снимањето на видеото, реката достигнала температура од 21 степен Целзиусов, што е cmpтоносно за овие риби ако се подолго изложени на неа. Законот за чиста вода забранува температурите во реките да пораснат над 20 степени.