14 септември 2000 година и ден денеска е еден од најголемите датуми кога фудбалот во Прилеп е во прашање.

Во рамките на првото коло од Купот на УЕФА, Победа се соочи со ѕвездениот тим на калчолигашот Парма. Иако црвено-белите беа поразени во двата дуели, љубителите на фудбалот и денес се сеќаваат кој се гостуваше тогаш во Македонија.

Во редовите на Парма тогаш беа: Џиџи Буфон, Фабио Канаваро, Лилијан Турам, Серџо Консисао, Аморосо, Саво Милошевиќ, Жуниор и Марко Ди Вајо.

Оваа ѕвездена екипа против себе го имаше тимот кој на Прилеп му го донесе првиот трофеј во натпреварувачката 2000/2001 година освојувајќи го Купот на Македонија.

Во редовите на црвено-белите тогаш беа: Боби Тенев, Панче Ќумбев, Игор Николаевски, Благојче Нацев, Жилсон, Раде Каранфиловски, Панче Ристовски, Тони Наумоски, Николче Здравески, Дарко Диниќ, Сашко Крстев, Тони Мегленски, Горанчо Тодоровски и Влатко Стојчевски.

Натпреварот кој тогаш се одигра на Градски стадион во Скопје пред 9.500 публика, заврши со триумф на Италијанците од 0:2.

Стрелци на головите беа: Серџо Консисао во 23-та минута и Марко Ди Вајо во 74-та.

Парма на својата официјална Фејсбук страна денеска потсети на дуелот против прилепчани, а во преден план на фотографијата се легендата на ФК Победа и македонскиот фудбал, Панче Ќумбев со Саво Милошевиќ.

Како ли само моќно изгледале “Мајмуните”… морници по цела кожа….

3дружението “Концепт за култура” од Скопје, кое работи на промоција на културно историското наследство на Македонија, во соработка со Министерството за култура, се во процес на изработка на 40 виртуелни прошетки (20 цркви и манастири и 20 археолошки локалитети).

Една од овие виртуелни прошетки е направена во црквата Св. Преображение кај с. Зрзе.

Самиот манастир е изграден врз античка населба, во непосредна близина на манастирот се наоѓа ранохристијанска базилка од V-VI век, а при археолошките истражувања во манастирот е пронајден бакарен крст, енколпион, од X век.

Сето тоа сведочи дека Манастирот Зрзе претставува еден од најзначајните култни простори во Македонија.

Манастирот со црквата Св. Преображение или Св. Спас како што се споменува во некои натписи од средината на XIV, па сè до XIX век е активно монашко жариште.

Според натписот откриен над јужната врата од надворешната страна (испишан околу 1400 г.), основач на најстарата еднокорабна црква од денешниот комплекс е монахот Герман во времето на царот Душан (околу 1346- 1355 г.).

Во 1368/69 ктиторското право било предадено од страна на митрополитот Јован и јеромонахот Макариј, внуците на монахот Греман, на кметот Константин и неговите синови Јаков, Калојан и Димитар.

Фрагментите од првобитниот фреско-живопис, зачувани се само во најниската зона на олтарот.

За да ја погледнете виртуелната прошетка на цел екран притиснете ТУКА

Македонскиоит пејач на поп музика и виолинист Димитар Андоновски е еден од кандидатите за членови на Совет на Општина Битола, кој се најде на објавената листа од страна на СДСМ.

На листата има 31 кандидат, а Андоновски се наоѓа на 21-то место.

Ова треба да се вика вертикална или хоризонтална сообраќајна сигнализација, или што ли и да е…

Прилеп, 21 век, предизборие, улица “Егејска”…. толку.

Оние кои се подобро информирани за што служат овие “знаци” нека објаснат во коментари…

Стигна втората донација влезници од Австралија. На располагање на вљубениците на Победа се ставени 100 влезници за утрешниот натпревар од 16-финалето од Купот на Македонија, кој прилепчани го играат против Вардар.

Откако викендов Maрио Јосковски, прилепчанец од Австралија донираше средства за 115 влезници за натпревартот Победа-Саса, сега и Гоце Павлески од Сиднеј испрати донација за вљубениците во фудбалот.

100 влезници се ставени на располагање за секој оној кој сака да навива за Победа, а не може да си дозволи да купи влезница.

Билетите можат да се подигнат од “Гостилница кај Кекеле” и ве замолуваме иситете да стигнат само во вистински раце.

Секоја чест за нашинците од прекуокеанските земји и се надеваме дека оваа традиција ќе продолжи и во иднина и ќе ја следат и други нашинци од дијаспората.

Прилепчанец од Австралија купи 115 карти за натпревар на Победа: Кој не може да си дозволи карта, може да си подигне во оваа гостилница

Изминатиот викенд се одржа третото издание на спортскиот настан во Битола, Трчај Бе. Учество зедоа повеќе од 1000 натпреварувачи во 3 дисциплини: трка на 5км, трка на 10км и полумаратонска трка, воедно и Балканско првенство во полумаратон.

17 членови на АОК Златоврв – Прилеп зедоа учество на атлетскатa трка на 5км , која се карактеризира со благи успони и искачување од 30 м. Тркач(к)ите на АОК Златоврв се на возраст од 8 до 69 години и се закитија со 5 медали (2 златни, 1 сребрен и 2 бронзени).

Женска конкуренција (индивидуално):
1 место: Милена Чкрипеска со време 20:41 (1/198)
3 место: Мери Чкрипеска со време 21:59 (3/198)

Женска конкуренција (екипно):
1 место: АОК Златоврв – Прилеп – вкупно време 1:39:54 (1/12)
(Милена Чкрипеска, Мери Чкрипеска, Ева Кузеска, Фросина Нацеска)

Машка конкуренција (индивидуално):
3 место: Михајел Ван Баелен со време 16:32 (3/247)

Машка конкуренција (екипно):
2 место: АОК Златоврв – Прилеп – вкупно време 1:28:07 (2/15)
(Михајел Ван Бален, Давид Трајкоски, Бојан Кузески, Бојан Балабаноски)

Викендот кој измина изобилуваше со натпревари од сите европски и светски лиги, по кратката пауза за репрезентативните натпревари, а обложувачите во спортските обложувалници Евротип не пропуштија да ја искористат богатата понуда!

Остварувајќи големи добивки во текот на викендот, обложувачите во Евротип докажаа дека користењето на клуб картичката може да Ви донесе големи придобивки.

Првата добивка доаѓа во Кичево, каде обложувач со влог од илјада денари, типувајќи 15 натпревари со вкупна квота скоро 464, стигна до добивка од над 545 илјади денари!

Во главниот град е остварена добивка од скоро 189 илјади денари, а неделниот тикет на кој среќниот обложувач имаше избрано 18 натпревари и вкупна квота од 3837, беше уплатен со само 30 денари!

Обложувач од Кавадарци, кој имаше „нос“ да одбере 13 натпревари на кои и двете екипи ќе постигнат макар по еден погодок, вложувајќи 100 денари и уплаќајки го својот тикет со Евротип клуб картичката дојде до добивка од 129 илјади денари.

Обложувањето во Евротип секогаш се исплати! Најбогатата понуда е секогаш кај нас! Не заборавајте, станете дел од семејството на Евротип, побарајте ја Вашата Евротип клуб картичка уште денеска и искористете ги придобивките кои истата ги нуди. www.evrotip.mk

Пратеничката Бисера Костадиновска Стојчевска од СДСМ пред неколку месеци објави фотографија на Фејсбук облечена во скафандер посочувајќи дека пристигнува во Собрание за да учествува на седница на која требаше да бидат изгласани антикризните мерки.

Истата пратеничка вчера го навлече гневот на граѓаните откако застана во одбрана на министерот Венко Филипче по несреќата во Тетово во која починаа 14 лица.

Таа им порача на сите граѓани кои не се согласуваат со министерот и бараат одговорност да одат на бајачка.

-Година и пол Венко Филипче ве убедува да се вакцинирате и да се заштитите!! Да не се групирате, да се пазите! Година и пол!!!!! Како да сме 2021 пне!!

Секоја почит за министерот!
Ајде трк на бајач сега, пишува Стојчевска.

На 13.09.2021, полициски службеници од Полициската станица Чаир го лишиле од слобода Д.И.(20) од кратовско село, поради постоење основи на сомнение за сторено кривично дело „лажно пријавување кривично дело“.

На 06.09.2021 во Полициската станица Чаир Д.И. пријавил дека на ул.„Гоце Стојчевски“ во Скопје му било одземено патничко возило „фолксваген туарег“ со италијански регистарски ознаки.

Но, по преземени мерки и активности од полициски службеници било констатирано дека станува збор за лажно пријавување.

Д.И. го признал делото и изјавил дека го сторил тоа по претходен договор со едно лице поради должничко доверителски односи и за да го прикрие тоа од неговото семејство.

По целосно документирање на случајот против него ќе биде поднесена соодветна пријава – информираат од МВР.

Пред точно 10 години, македонските кошаркарски репрезентативци на гости во Литванија во Каунас на Европското првенство испишаа една голема историја која направи секој еден Македонец да се почувствува горд!

Владо Илиевски е името кое направи шок во последните 11 секунди од натпреварот. Тој со својата постигната тројка и донесе на Македонија водство иако нашата репрезентација губеше со 2 поени разлика.

Македонија се пласираеше во полуфиналето, таму загуби од Шпанија, а потоа и во битката за бронза тесен пораз од Русија.

Како и да е четвртото место беше најголемиот успех, а потоа спектакуларен пречек на Плоштадот во Скопје.

На овој меч Илиевски го изговори легендарното: „ЛЕЛЕ ЛУЃЕ ШТО НАПРАВИВМЕ!“

Инаку, ФИБА ЕуроБаскер на својот Фејсбук објави видео од овој историски момент за Македонија и напиша:

„Најголемото изненадување во историјата на европските првенства? Пред десет години, Македонија и Владо Илиевски ја шокираа Литванија“, пишува во објавата на ФИБА.