Предлог решението кое предвидува скратено работно време на јавната администрација во петок, е ставено на ЕНЕР. Допрва ќе се отвора дискусија по ова прашање, граѓаните треба да го кажат своето мислење, а Владата внимателно слуша, рече денеска премиерот Зоран Заев.

Одговорајќи на новинарски прашања по промоцијата на новиот инвестициски циклус во „Пивара“, Заев го сподели својот впечаток – дека граѓаните очекуваат администрацијата што ја плаќаат да работи поефикасно, а не помалку ефикасно. Тоа се, рече, и неговите очекувања.

Според него, треба да направиме дополнителна рационализација на администрацијата.

-Ги знаете моите ставови и за севкупната продуктивност на населението и севкупната продуктивност и ефикасност на администрацијата. Како народ, треба повеќе да работиме, не помалку. Но, како ветување предизборно на политичките партиципиенти во власта, тоа е ставено на ЕНЕР и допрва ќе се отвора дискусија за ова прашање. Верувам дека граѓаните ќе си кажат тоа што е реалноста во државата, а реалноста е дека сите ако сакаме швајцарски плати, треба да работиме многу повеќе – од таа продуктивност што денеска ја имаме, почнувајќи од себе, па секако, до сите работници во приватниот и во јавниот сектор. Вториот дел, ефикасноста на јавната администрација е нешто што е сериозен фокус и мора да биде фокус. Видовме дека целиот систем со 38 отсто на работа луѓе за време на брановите на пандемијата, функционираше. Тоа само по себе кажува дека постојните капацитети на администрацијата мора да бидат максимално искористени. Тоа е очекувањето на граѓаните, но кога имате нешто отворено на ЕНЕР, несоодветно е премиерот да каже кои се очекувањата на граѓаните, туку граѓаните да си ги кажат своите очекувања, истакна Заев.

На 30.09.2021 во 14.11 часот во Полициcката cтаница Кавадарци било пpиjaвено дека на ул.„Шишка“ во Кавадарци, патничко возило „југо“, со демиркаписки регистарски ознаки, yдpило во малолетен пешак од Кавадарци, по што го напуштил местото.

Во нecpeќата пешакот се здобил со тешки телecни повpeди, конcтатиpaни во Општа болница Кавадарци.

По преземени мерки од полициcки cлyжбеници е yтврдено дека возилото го yпpaвyвал А.К.(27) од Струмица, со пpecтој во Кавадарци.

Увид на местото извршила yвидна екипа од Полициcка станица Кавадарци, а во координација со Јавен обвинител се преземаат мерки за pacчиcтување на cлyчajoт – информираат од МВР.

Поминаа пет денови од почетокот на кампањата за локалните избори.

Некои велат најзначајните досега. Очигледна е тотално различната кампања, но и приемот кај граѓаните.

Грозоморната закана, злоупотребите на ресурсите, програмата која е очигледно срочена за 10 минути и понудата на кадри за советници, кои веќе добиле се’ од партијата, според прилепчани e карактеристиката за СДСМ Прилеп.

Дополнително незадоволсрво создаваат и промашените теми од урбанизмот што ги промовира Сугарески, како влезовите во градот и нов ГУП, ако се знае дека лично тој беше министер за транспорт кога се’ ова не се реализираше.

Расколот во коалицијата и несразмерно и некоректно доделените места на помалите коалициони партии, предизвикало незадоволство и кај дел од членовите на ВМРО НП и кај Ромите?

Спротивно на СДСМ другите партии и кандидати имаат исклучително интересна кампања и според нив одличен прием кај прилепчани.

За разлика од функционерите на СДСМ кои ги “напаѓаат” нашите врати, велат ние настапуваме со нови ликови кои не прават контраефект како гореспоменатите.

Намалувањето на дневните температурите и собирите на затвoрено ќе влијаат негативно врз епидемиолошката состојба, вели лекарот Злате Мехмедовиќ во изјава на ТВ21.

Како што вели, нѐ очекува тешка есен и зима кога станува збор за коронавирус, бидејќи, како што објаснува, делта сојот е попренослив и повирулентен.

Со песимизам, Мехмедовиќ констатира дека без да се постигне колективен имунитет, нема да има спас од новите соеви на вирусот кои би можеле да пристигнат во нашата земја. Тој нема големи надежи дека наскоро би можеле да означиме крај на пандемијата.

За влошување на состојбата ќе влијаат и митинзите кои се одржуваат поради предизборната кампања, смета Мехмедовиќ.

Старата плоча не е скршена, туку е ставена нова и зад тоа стојат сите селани на селото Клепач. Тие сакале да испратат порака дека не се сложуваат со фалсификувањето на историјата од страна на Бугарија. Да, војводата Велко Скочивирчето или Скочивирски и осумте припадници на неговата чета загинале во борба со турски аскер во 1904 година, но тие не се бореле за обединување на Македонија со Бугарија, како што пишувало на споменикот, туку за самостојна Македонија. Споменикот бил поставен во периодот меѓу 1914-1918 година, за време на Првата светска војна, кога Бугарите го напишале тоа за „присоединување на Македонија кон Бугарија“. Но, сите селани на Клепач едногласно одлучиле да ја сменат плочата и да го сменат тој дел од содржината, натаму таа да биде на македонски јазик, зашто меѓу загинатите имало и нивни денешни директни наследници.

Ова за Пресинг ТВ го изјави митрополитот Преспанско-пелагониски, владиката Петар, во чија епархија и надлежност припаѓа и црквата „Св.Архангел Михаил“ во селото клепач, по денешната негова средба со архиерејскиот намесник и парохискиот свештеник. Владиката Петар уште вели дека од медиумите слушнал дека во дворот на црквата имало некаков проблем.

Црквата „Св.Архангерл Михаил“ деновиве се најде во цетарот на вниманието поради последната протестна нота, што бугарското МНР ја испрати до нашето, а повод за тоа беше новопоставениот споменик посветен на војводата Велко Скочивирчето или Скочивирски и осумте припадници на неговата чета, кои загинале во борба со османлиски аскер. И за таа борба постојат два термина. Едниот, дека се случила во 1904, а според другиот во 1906 година.

Владиката Петар потенцира дека според Уставот, Црквата е одвоена од државата и државата, односно политиката нема право да се меша во црковните работи, исто како што Црквата нема право да се меша во државните.

-Ние сме веќе подолго време изложени на провокации и притисоци од страна на бугарски политичари, особено конзулите. Двајца од нив, се додека не им реков дека веќе не сакам да ми доаѓаат, ниту да им одам за да се видиме, си земаа слобода да не напаѓаат, на пример, околу промената на иконата „Св.Троица“, што се наоѓа во црквата „Св.Богородица“ во Битола, веденаш до Митрополијата. Таа беше неканонски поставена и одлучивме да ставиме нова икона, а тие со ујдурми, демек, е како сега икона ќе менувате, сакаа да не спречат во тоа, вели Владиката Петар.

Според него, целта на бугарските политичари е да ја прикажат црквата како своја и да кажат дека тоа население е бугарско, што нема врска со реалноста.

Целиот текст прочитајте го ТУКА

Луѓето кој одбиваат да се попишат треба да бидат санкционирани, изјави денеска премиерот Зоран Заев. Одговарајќи на новинарско прашање зошто не побарале да се продолжи рокот на регистрирање и што ќе биде се тие луѓе што не се попишани премиерот Заев, наведе дека сите знаат како тече процесот на попишување, сите знаат дека внатре најголемиот број од податоците ги имаат од базите.

– Прашањата кој се прашуваат се неколку етничката определеност, религиската определеност, начинот на одење и враќање од работа или слични прашања. Сите тие прашања или еден процент ако останаа не попишани би биле од две причини. Прво луѓе кој што одбиваат да се попишат и тие треба да бидат санкционирани, изјави Заев.

Заклучно со 29 септември според податоците на Државниот завод за ревизија во државата се попишани над 1.8 милиони граѓани. Процесот на попишување кој почна на 5 септември завршува вечерва во 20:00 часот.

Македонскиот фудбалски репрезентативец, Елиф Елмас на одличен начин го започна натпреварот против Спартак Москва во рамките од второто коло од Лига Европа.

Фудбалерот од средината на теренот по само 11 секунди игра го отвори резултатот и му донесе водство на својот тим кој е фаворит на оваа средба.

Елмас започна од првата минута на овој натпревар откако внесе свежина во тимот минатата недела кога Наполи ремизираше со Лестер

#Napoli #NapoliSpartak #UEL
Napoli [1] – 0 Spartak Moscow | GOAL! Eljif Elmas

Follow me to never miss any goal highlights.
pic.twitter.com/gLn2SUjcAY

— Ronard Addo (@ronard_addo) September 30, 2021

Македонската јавна администрација во петок ќе работи само 4 часа. Тоа значи дека ако работното време им почнува во 8 часот наутро, дома ќе можат да си заминат уште во 12. Вакви измени предвидува новиот закон за административни службеници кои сега е во нацрт верзија и веќе е објавен на ЕНЕР, пишува Фактор.

„Полното работно време на административните службеници изнесува 36 часа неделно, односно осум часа дневно од понеделник до четврток и 4 часа дневно во петок, доколку со закон и/или колективен договор поинаку не е утврдено.

(2) За неполно работно време на административните службеници ќе се смета работното време кое е пократко од 36 часа неделно, а ќе се остварува согласно со закон, пишува во законот.

Целата статија можете да ја најдете на ФАКТОР.МК

​Генералниот урбанистички план е документ кој претставува Устав во урбанизмот и урбанистичкото планирање – истакна кандидатот за градоначалник на Прилеп од СДСМ, Горан Сугарески на вчерашната прес конференција и потенцираше дека носењето на нов ГУП за градот ќе биде еден од неговите приоритети.

Неговата прес конференција во целост ви ја пренесуваме во продолжение:

Во својата основа, урбанистичкото планирање служи за уредување и хуманизација на просторот, заштита и унапредување на животната средина и природата, како и социјална, економска и еколошка одржливост на општината.

Генералниот урбанистички план ја дава рамката за развојот на градот во следниот 10-годишен период.

Носењето на ГУП е од подеднаква важност како за граѓаните, така и за стопанските субјекти, бидејќи со неговото, и со усвојување на од него произлезените Детални урбанистички планови, се стимулира изградбата на стопански, индустриски и енергетски градби во општината. Сето тоа значи поголем број на издадени одобренија за градење и директен приход за Општината од наплатен комунален надоместок.

Во Програмата со која СДСМ и Коалицијата излегува пред граѓаните, нудиме изработка на нов Генерален урбанистички план, конкретна проекција за планскиот развој на градот за следната деценија.

При изработката на новиот ГУП, појдовен стратешки документ ќе биде стратегијата за одржлив развој на Прилеп, со која се овозможува подобрување на условите за живот во нашиот град и негов забрзан развој. Студијата е изработена со користење на мултидисциплинарен пристап од странски експерти, во рамките на Еразмус плус Енејбл проектот.

Успешното функционирање на домувањето е нераскинливо поврзано со планирање на придружни содржини: изградба на училишта, градинки, спортско-рекреативни објекти и паркови, локални деловно-трговски центри со маркет, пошта, амбуланта, ресторани и слични содржини.

Исклучително важен сегмент при носењето на Генералниот урбанистички план претставува реализација на планираната инфраструктура: сообраќајници со коловози,велосипедски патеки, пошироки тротоари и зелени површини во населбите.

Она што треба да се потенцира, е дека добиените податоци од тековниот попис на населението, домаќинствата и становите ќе бидат од огромно значење при изработката на новиот Генерален урбанистички план.

Во овој контекст сакам да напоменам дека во напредна фаза е постапката за донесување на Детални планови за 30 населени места во општина Прилеп, со што за прв пат создаваме услови за урбанизација и планско градење во руралните средини.

Инаку, последниот Генерален урбанистички план за Прилеп беше донесен во Декевмри 2015 година од страна на Советот на Општина Прилеп, за плански период 2013-2023 година.