Фејсбук статус на Билјана Гаврилова Станковска, велешанка која доживеала вистинска непријатност во главниот град

Денес сум толку изреволтирана, толку дискриминирана, толку очајна што воопшто живеам во оваа наша никаква државичка, ај да кажам и зошто.

И покрај сите предизвици и спрепки што ми ги нанел и нанесува животот, наместо ова наше општество (ако може да се каже така) да ни ги олесни работите како лица со посебни потреби, тоа нас не удира по нос.

Отидени во Скoпје нормално по болници, на враќање паркирани на автобуска станица на паркинг означен за инвалидни места, колата означена со знак за инвалид, со членската од здружение на лица со посебни потреби ставена на шал табла, пратена порака..ни ставаат блокада..се јавуваме на бројот нормално залепен на возачката врата, доаѓаат дечките од гратски паркинзи ги прашуваме зошто е блокадава кога се е уредно направено по правила, овие првично велат дека цитирам: “Aма вие сте од друг град” ко божем мајко мила јас кога ќе отидам во Скопје инвалидноста ми завршува и не смеам да паркирам на место означено за инвалиди и му велам:” Кога веќе вака ставате блокади на инвалидни возила паркирани на инвалидско место што не се од Скопје тогаш напишете некаде дека паркингов важи само за возила од Скопје”..чудно ме гледа..

Второ велам: “Запознати со тоа што град Скопје за возилата од други градови не дозволува бесплатни паркинзи, си пративме порака..и покрај тоа пак блокада”..на тоа ми одговара: “Кога си паркиран на инвалидско место пораката не важи”. Молам?!?! Кого и како правите будала!!

Во нормална држава и во останатите градови во нашава ни државичка нигде не е проблем да се паркираш на инвалидно место со инвалидско возило, иако си од друг град/држава, па дури и да не платиш паркинг..само Скопјево е некоја посебна држава изгледа со некој нивни дискриминирачки правила! Се јавува батето во централа, прво чекаме едно 15мин за да го решат “проблемов”, ѕвонат од таму чоекот си се трга настрана (за да не се слушне што се убедуваат) разговара едно 5мин..се враќа и вели: “Од таму велат мора да си ја платите казната”..Си кажавме уште некој работи на кој секако не се придаде важност, пошто се вадеа цело време со тоа дека они се само вработени и си ја работат работата..незнам само која и каква работа кога, како ќе им дојде така си тераат..ама нејсе.

Море чоек,море човеци..пошто не сте луѓе да ве наречам така,знам дека и до некаде не сте ни вие криви некој има и над вас ама да печалите на нас и згора да се иживувате..има Господ тој е над сите.

Лута сум да..никогаш јавно не сум се дрзнала да напишам ништо иако ова е еден од многуте случаи со кој се соочуваме ние,третирани како граѓани од незнам кој ред..прв сигурно не..ама ова е веќе претерано.

Инаку казната си ја плативме да, ама да ви кажам дека повеќе нема да ќутам..ова нема да остане вака…

Потврден датумот за Прилеп Фолк Фест 2023.

– ПРИЛЕП ФЕСТ објавува дека оваа година на 1ви јуни ќе се одржи седмото издание на фестивалот во салата на Центарот за култура “Maрко Цепенков” во Прилеп. Како минатите така и оваа година Советот на фестивалот успеа да ви претстави прекрасни македонски современи песни, испеани од најреномираните македонски и странски пејачи, а напишани од елитата на македонски автори.

Фестивалската програма одложно ќе биде емитувана на МРТВ. Ќе ви наведеме само еден мал дел од учесниците на овогодинешниот ПРИЛЕП ФЕСТ: Наум Петрески, Зуица Лазова, Јордан Митев, Лили Семкова, група ДРИМ ТИМ…

Со нетрпение очекуваме да ви ги претставиме новите песни изведени од најдобрите изведувачи од земјава и странство, соопшти Советот на фестивалот.

Средното општинско училиште “Ѓорче Петров” од денеска има нов директор.

На местото на досегашната директорка Петра Лукароска, назначена е Жанета Видевска, Професор по македонски јазик и литература во училиштето.

Лукароска беше последната директорка во училиштата во Прилеп именувана од минатата локална власт.

Земјотрес со јачина од 2.2 степени денеска е регистриран во Прилеп. Епицентарот бил на 26 километри од градот, помеѓу селата Чаниште и Бешиште.

Земјотресот е регистриран во 11часот и 53минути и бил на длабочина од 60км.

Откако беше одбиена иницијативата за ставање на предлог законот за амнестија на осудените за „27 април“ на дневен ред во Собранието, со реакција се јавија и Јане Ченто, кој преку социјалните мрежи порача:

„Кажете и на мајка ми нека не жали, оти ние сепак ќе победиме!“

Со 41 глас ЗА и 58 гласа ПРОТИВ денеска Законот за амнестија на осудените за настаните од 27 април не помина во Собранието на Република Македонија.

Иницијативата за поднесување на Законот беше на адвокатите Јанаки Митровски и Драган Пешевски, а предлогот го поднесе пратеничката група на ВМРО-ДПМНЕ во Собранието.

Жално е што и самата пратеничка група на ВМРО-ДПМНЕ не беше комплетна, односно сите пратеници не гласаа ЗА Законот.

Во експресен судски процес за настанот првично беа обвинети 33 лица од кои 31 за терористичко загрозување на уставниот поредок и безбедноста на РМ и двајца за помагање.

На 16.03.2023 криминалистичката полиција при СВР Битола со наредба од Основен суд извршилa претрес во битолско и ресенско, при што во с.Езерани, ресенско, во домот на Г.А.(44)од с.Езерани, биле пронајдени 19 парчиња различен калибар муниција.

При претрес во куќа во с.Цапари, битолско, сопственост на Ј.М.(29)од с.Цапари, биле пронајдени и одземени две ловечки пушки калибар 12мм и една воздушна пушка калибар 4.5мм, додека при претрес во домот на П.Т.(57) во с.Ротино, битолско, пронајдени се и одземени еден карабин, една ловна пушка, муниција за двете оружја и друга муниција.

Трите лица биле повикани во полициска станица и со нив бил извршен службен разговор, а по целосно документирање на случајот ќе следат соодветни пријави.

Ние јавно подадовме рака за предвремени парламентарни избори, дури и рековме ако е услов 100 дена техничка влада, јавно се откажуваме и ја фрламе раквицата дека не треба да има 100 дена техничка влада и дури не треба воопшто да ја има и веднаш да го смениме законот, изјави претседателот на ВМРО-ДПМНЕ, Христијан Мицкоски за време на посетата во Битола одговарајќи на новинарско прашање во врска со изјавата на Артан Груби за Албанец премиер и молкот од СДСМ за тоа.

Мицкоски потенцираше дека ВМРО-ДПМНЕ е спремно да оди на предвремени парламентарни избори и без техничка влада дури и до истите да остане Спасовски министер за внатрешни работи до избори да ги прави оние дејства што ги прави изминативе 7 години, па дури и министерката за култура да остане и да понижува на отворена сцена.

-Нема потреба од техничка влада, нема потреба од тие 100 дена туку веднаш да одиме на избори. Тоа е мислам разумно. Ако зборуваме за есенски избори, тогаш овие луѓе ако ги прашате дали да има парламентарни избори па претседателски избори следната година, односно државата и бизнисот да бидат во грч повеќе од 10 месеци, сигурно ќе ви речат, не. Односно или сега предвремени избори или заедно во еден трошок претседателски и парламентарни избори, рече Мицкоски.

Мицкоски нагласи дека е свесен дека некој ќе го критикува за ваква изјава, но ВМРО-ДПМНЕ е државотворна партија и сака и бизнисот да биде поуспешен за да отвора што повеќе работни места и да имаат вработените подобри примања.

-Стоиме на располагање, не мора техничка влада, со истиве министри до избори да одиме веднаш на предвремени парламентарни избори, изјави Мицкоски.

Изминатиот викенд на 11 и 12.03 се одржа вториот мастерс од Државното првенство во А и Б дивизија во билјард – дисциплина 10-ка.

На мастерсот во Б дивизија учествуваа 48 играчи од цела Македонија, од кои 11 од нашиот град.

Најдобри резултати од прилепчаните покажаа Оливер Апостолоски кој го освои третото место и Стефан Гермов кој заврши како петто пласиран.

Повеќе од очигледно е дека Прилеп располага со добри играчи кои секогаш се дел од завршниците, или ги освојуваат овие мастерси на државните првенства.

Честитки за двајцата прилепчани и желби за уште поголеми успеси на идните мастерс турнири.