Членот на Македонската академија на науките и уметностите доктор Сашко Кедев повторно се искачи на врвот на светот. Во информацијата за освојувањето на Анапурна проф. Кедев е запишан како Македонија.

Професорот и врвен светски кардиолог утрово се искачи на еден од десетте највисоки врвови на Хималаите и светот Анапурна. Ова е прва експедицијата во 2023 година што го освојува врвот Анапурна. Професорот Кедев е дел од експедиција со 4 други планинари и 7 шерпаси односно локални водичи.

,,Возбудени сме што можеме да ја споделиме веста дека 5 клиенти и 7 шерпи од Imagine Nepal стигнаа до врвот на планината Анапурна во 11:15 часот на 15 април 2023 година. Ова е првото освојување на врв во сезоната на планината над 8000 метри.
Честитки за тимот и враќање на безбедноста!”, пишува во официјалната информација за експедицијата.

Покрај седумте шерпаси во мисијата покрај Кедев се уште 4 планинари:

Ванг Жонг-Кина, Наоки Ишикава-Јапонија, Сашко Кедев-Македонија, Марија Александра Данила-Романија, Надја Лиза Косо-Англија

Анапурна е низа од планински врвови во Непал на венецот Хималаи, од кои највисокиот, Анапурна I, претставува еден од четиринаесетте планински врвови повисоки од 8000 метри, и со висина од 8091 метар е десеттата највисока планина на светот. Сместена е источно од големиот кањон на реката Кали Гандаки, кој го дели од масивот Даулагири.

Предходно професорот Кедев се искачи на сите највисоки врвови на сите светски континенти, а во повеќе наврати се искачи на најтешките и највисоки врвови на Хималаите и со тоа на светот.

Државна и црковна делегација од Република Македонија, предводена од министерот за внатрешни работи Оливер Спасовски, во чиј состав се министерката за култура Бисера Костадиновска-Стојчевска, директорот на Државната комисија за односи со верските заедници и религиозни групи, Даријан Сотировски, како и шефот на делегацијата на Македонската православна црква – Митрополит тетовски-гостиварски, Јосиф Тодоровски, денеска ќе учествуваат на церемонијата „Преземање на Благодатниот оган во Ерусалим” во Базиликата на Светиот Гроб во стариот град на Ерусалим, Државата Израел.

Свечената церемонија на пристигнување на државната и црковната делегација и предавање на Благодатниот оган на аеродромот во Скопје, соопштија од владината – прес-служба, е предвидена утревечер, во 20.00 часот, со директен пренос на МРТВ.

Велика Сабота е Денот меѓу cмpтта и воскресението, меѓу петок и Велигден, денот што ги спојува распнувањето и радоста.

Православните верници ги прават последните подготовки пред вечерашното прославување на најголемиот христијански празник – Велигден.

Велика Сабота е ден на исчекување, ден на свештен трепет пред Христовото Воскресение.

Денешниот ден, Велика Сабота, според христијанското учење е ден на свештен трепет пред Христовото воскресение, кое точно на полноќ ќе го означат биењето на камбаните и радосниот восклик „Христос воскресе“.

Вечерва се оди во црква каде што секој носи црвено јајце. На полноќ сите присутни со песната „Христос воскресе” трипати ја обиколуваат црквата. Во црквата се останува за големата литургија, а потоа се причестуваат, се кршат со јајцата и се омрсуваат.

Празникот на Христовото воскресение Велигден е празник на љубовта и мирот. За христијаните, Велигден е триумф на животот над смртта и доброто над злото, ден кога Исус Христос воскреснал од мртвите по неговата смрт со распнување, и ја докажал божествената моќ.

На Велигден верниците си подаруваат едни со други рака на помирување, со традиционалниот поздрав „Христос воскресе” и „Вистина воскресе.

Велика Сабота е ден на покојот, ден на покојникот, ден на најголемиот покој и на најголемиот покојник.

Денот на големиот покој е времето кога Христовото тело е во гробот. Покојникот е внатре од вчера. Овој е втор ден на нашата жалост, тага и молк.

Ова е денот на оплакувањето на покојникот. Тогаш, Мајка Му – Пресветата Богородица и жените мироносици, по погребението, го оплакувале Господа Исуса Христа. Денес се изразува болката, тагата и жалоста на Пресвета Богородица.

Велика Сабота е определена како ден за чување на гробот. Денеска верниците се крај Христовиот гроб, се поклонуваат пред Плаштеницата, на која е претставено телото Господово при погребението и положено во гробот.

Ова е ден за прославување на неискажливата љубов од Богочовекот кон луѓето.

На 14.04.2023 во 23.40 часот во тетовско Одри полициски службеници го привеле В.Д. (43),постапувајќи по пријава од страна на П.В. , директор на Клиничка болница.

Тетово дека В.Д.,вработен како анестезиолог во болницата, снимал и објавувал преку мрежата “тик ток” лекарски персонал и пациенти на кои им се пружала лекарска помош.Известен е јавен обвинител и по документирање на случајот ќе биде поднесена соодветна пријава.

Ако барате совршен рецепт за вкусен локум, веднаш ќе ви кажеме дека нема да најдете. Мајсторите рецептот го чуваат во најсторга тајност и го пренесуваат од генерација на генерација. Затоа не мачете се залудно и за ова вкусно задоволство чија традиција е вековна, обратете се кај луѓето на кои правењето локум им е традиција и идентитет.

Ќе погодите од прва, ве водиме во Крушево во можеби најстарата слаткарница “Тагас-Балкан”, која неодамна прослави еден век постоење.

Локумот, но и крушевските целувки се нивни препознатилив белег и вкусен сувенир без кој не може да помине ниту една посета на Крушево. Едноставно тоа е вкус на кој не можеш да одолееш.

И додека локумот на Тагас ги има прошетано сите континенти, целувките срамежливо останувале во втор план, но не за долго.

Вака штосно спакуван македонски производ ретко каде ќе најдете на друго место. Во различни форми и бои…кога ќе ги погледнеш, да ти е криво да каснеш…но верувајте, колку што убаво изгледаат, три пати повеќе се вкусни.

Па еве ви одлична мотивација за Велигденските празници да го посетите Крушево и со себе да понесите одличен вкусен сувенир за себе и за вашите најблиски.

Една странска поговорка вели: “Размислувај надвор од кутијата”. Крушевчани ќе се согласат со тоа, но ќе го додадат следното: “Не и кога слатките задоволства на “Тагас-Балкан” се во прашање”.

Фудбалскиот тренер Дарко Пешевски ја запроси адвокатката Ивана

Денеска на фудбалскиот натпревар Вардар-Гостивар со помош на играчите на Вардар и навивачите, фудбалскиот тренер Дарко Пешевски ја запроси неговата избраничка Ивана.

Ивана е адвокатка и имаше запросување какво што секоја девојка би посакала. Играчите на теренот извадија транспарент, а потоа почна изненадувањето. Дарко е долгогодишен фудбалски тренер и голем навивач на фудбалскиот клуб Вардар.

ИЗВОР: “КУРИР.MK”

Огромни количини дрога се запленети во полициски акции во кавадаречко и битолско.

Станува збор за две полициски акции во кои е запленета огромна количина марихуана.

Од МВР потврдуваат дека се во тек полициски акции, но детали најавуваат по нивното завршување.

Родилката Викторија Крстева чие бебе почина по раѓањето во битолската болница, по четири дена од трагичниот настан, се огласи јавно. Најави дека нема да отстапи од барањето правда, но и дека дел по дел ќе обелодени сѐ. На медицинскиот персонал му порача: „Ништо нема да ве испере“. Крстева пишува дека имала најздрава бременост.

„Овие денови требаше да ја добијам најголемата титула во животот. Мајка. Поради партиските ‘препукувања’ ривалство, инает меѓу докторите и неспособноста – јас изгубив најмногу. Го изгубивме највредното нешто во животот. Нашиот Јован. Нашето најмило. До кога ради вас партиски пиунчиња, ќе страдаме?“, прашува таа.

Додава и: „Се изначитавте.. безброј лаги. Различни приказни.. Сите се ставивте на мое место внатре во сала, а уствари, таму бев јас и тие ‘луѓе’. Не знам и дали треба да кажам дека се луѓе. Бебето не ми почина во стомакот, ниту беше извадено со вакум, иако се колнат дека било. Пола секунда било.. Ех, уште на маката и будала да те направат.. Точно дека бев вратена од болница дома и сеуште си го поставувам прашањето, зошто? Се вратив во раце на други.

Откако ми го пукнаа водењакот и искусните воочиле дека има мекониум, а ЦТГ уредно, а за кое никогаш не одбив да ми биде направено, имаше за царски, и до утре можат да ме убедуваат дека немало, било во каналот… Па еве, кога било во канал, можевте веднаш да употребите ама вистински вакум и да го извадите и ми го спасите бебето, а не додека после пукање на водењакот викав, кревајќи ја болницата од болки и молев за рез, уште два часа, госпоѓата која што веднаш после смртта на моето бебе си замина на одмор и не се појави на ниту едно сослушување, која тврдеше дека не учествувала во мојот пораѓај, иако таа ме искасапи и животински ми скокаше на стомакот, ми се смееше и ми рече “Ако не ти се бендисваме ние, оди си во Плодност’“.

Родилката која го изгуби детето во Битола додава: „Ме искасапи и ми скокаше на стомакот, ми викаше ‘Оди си ако не ти се бендисваме’“ Удирајќи ме во стомакот, на кој што сеуште имам траги, насилно ми го извадивте бебето кое никогаш не успеав да го видам! И уште пораѓајот бил лесен, дај Боже сите следни да ми се вакви??? Па не бил насилен пораѓај.

Какви се не небулози ќе слушнам? Зарем немате трошка милост? Дел по дел ќе обелоденам се! И тоа што ми се умилкувавте, плачејќи и нудејќи ми разноразни ствари, кафенце, сокче.. Ако ти треба нешто само јави се.. Нема да ве испери“.

Децидна е дека имала здрава бременост.

„Имав најздрава бременост, до последниот миг. Секој преглед уреден, секој резултат уреден. Го направија пропустот за кој што знам, дека никој нема да сноси одговорност или за да се покријат, ќе одговара некој друг. Колку да е некој де… А ништо чудно и обдукцијата да е така скоцкана да нема крив. Како што кажавте, да не е некоја најретка аномалија или? А тоа што по канти баравте плаценти, постелки, и што ми стававте?! А тоа што се договоривте што да кажите за да се покриете? А? Оставки, жалења, тажења.. Не. Знам, свесна сум за се! Иако мислевте не. Нѐ потценивте и мене и сопругот. Но, ќе ве изгорам сите. Ветувам. Ни го убивте бебето поради вашето его, надменост и непрофесионализам… Мислејќи дека сте Бог. Убијци. Парична казна? Смешно е. Дури не сносат одговорност нема да се откажеме“, пишува родилката Викторија Крстева.

Државниот санитарен и здравствен инспектортат го објави извештајот со вонредниот инспекциски надзор а во врска со смртта на новороденче во битолската Клиничка биолница. Во извештајот се посочува за лекувањето и третманот на родилката В.К.Најавени се прекршочни мерки за еден лекар кој учествувал во породувањето на родилката.

На Велики петок, кој уште се нарекува и Распнат петок, црквата и верниците го слават споменот на Христовото страдање. На тој ден на универзална жалост, богослужбата ги следи настаните кои веднаш му претходеле на распнувањето – фаќањето на Исус во Гетсиманската градина, неговата осуда од епископите и старешините, судењето на Спасителот пред римскиот гувернер на Јудеја, Понтиј Пилат, осуда, потоа времето на Христовото распнување, смртта, отстранувањето на Неговите тела од крстот и погребот.

Со Христовата свесна и доброволна смрт се принесе жртва за човечките гревови, за спасение на светот. Тој ден доживеа страшни маки и понижувања, трпеше потсмев, клевета, плукање, камшикување. На Христовата глава му ставиле круна од трње, а на рамениците му ставиле тежок крст и го одвеле по патот кој и денес го носи името Улица на болката. На ридот Голгота Го распнаа меѓу двајца разбојници.

И тогаш, во најголемата агонија, Христос не проколнал, туку му се молел на својот небесен Отец за грешниците: „Оче, прости им, не знаат што прават“. Во моментот кога Спасителот умре на крстот, сета природа, Божјото создание, се побуни против неправдата и злосторството: сонцето се помрачи, гробовите се отворија, земјата се затресе. Завесата во храмот била скината од врвот до дното. Откако праведниот Јосиф од Ариматеја го молел Пилат да го погребе Христовото тело, тој и Никодим Го симнале од крстот, Го помазале со мириси, го завиткале во лен и Го положиле во нов гроб, издлабен од карпата, во градината близу. Голгота, која Јосиф ја подготвил за себе.

Фрлиле огромен камен на влезот. Имаше и жени мироносици кои го придружуваа Господа на Голгота заедно со Неговата мајка, Пресвета Дева Марија, учествуваа на Неговиот погреб, а Христос воскреснатиот најпрво им се јави. На Велики петок во храмовите се изнесува плаштеницата – крпа што го симболизира Неговиот гроб. Тогаш народот му оддава почит на Христовиот гроб и ја бакнува плаштеницата. На тој ден Црквата пропишува најстрог пост, односно целосно воздржување од храна. Вечерта во храмовите се врши погребот на Исус Христос.