По 131 ден поминат на ЈЗУ У Клиника за гинекологија и акушерство – Скопје, малата Дуа со солзи радосници ја испративме дома – напишаа на Фејсбук од клиниката.

-На 12 март таа се роди во 24-та гестациска недела, со само 520 грама и по повеќе од 4 месеци престој на Одделението за интензивна нега и терапија (ОИНТ), ектремното прематурче си замина како здраво бебе со тежина од 1890 грама.

Дуа како вистинска мала дама си замина во фустан од нашата клиника и си отиде со мама и тато во Кичево, кои се пресреќни што конечно нивното прво бебе ќе си го гушкаат во својот дом.

Малата Дуа, еден од нашите најголеми борци, овие 4 месеци и 11 дена секојдневно ја добиваше медицинската нега и безграничната љубов од педијатрите, медицинските сестри и од целиот персонал на ОИНТ, кои посветено се бореа заедно со неа.

ЈЗУ У ГАК и посакува многу здравје и среќно и безгрижно детство, во надеж дека секогаш ќе ве радуваме си среќни приказни за нашите најмали новородени.

Денеска е Свети Архангел Гаврил, во народот овој празник е познат и како летен Архангел, а за него се врзуваат и многубројни обичаи. На оние кои ја почитуваат верата на тој ден им е забранета скоро секаква работа.

Свети Архангел Гаврил се празнува веднаш по празникот Благовештение како учесник во настанот, односно како гласник на зачнувањето на Спасителот. А денес црквата се сеќава и ги слави сите негови јавувања на човечкиот род од почетокот на времето се до денес. Инаку, овој празник е најверојатно за прв пат востановен во деветтиот век на Света Гора Атонска.

Именден празнуваат: Гаврил, Габриела и др.

Архангел Гаврил, заедно со Архангел Михаил го имаат чинот на серафимите, а серафимите имаат највисок ангелски чин поради што стоеле најблиску до Бога.

Поради тоа се верува дека на денот на Свети Архангел Гаврил треба да се одмори и дека не треба да се работи за себе или за пари, но и дека ова е најдобро време за отпочнување на каква било доброволна работа.

Св. Архангел е посветен на доброто и давањето, па така и луѓето треба да се сетат на своите блиски како и на оние кои имаат помалку од нив.

-Вчера (24.07.2023) во временскиот период од 22.00 до 02.30 часот од страна на полициски службеници од СВР Битола, постапено е по план за „Безбедно лето 2023“, при што во објект на ул.”Македонска фаланга” во Битола, затекнати се 73 деца. Во присуство на нивните родители тие се алкотестирани при што кај 32 деца е утврдено присуство на алкохол при што се предадени на родителите – стои во соопштението од СВР Битола.

Утрово во Прилеп е украден постар модел на автомобил Опел “Астра”. На социјалните мрежи се објавени фотографии од автомобилот, а во апелот се бара помош од секој граѓанин кој би го забележал возилото, да пријави на телефонскиот број 078 853 575.

-Продолжуваме со градежните активности на улиците во општина Прилеп. Започнаа подготовките за рехабилитација и асфалтирање на нови улици. После високите температури кои што го зафатија нашиот регион и законските регулативи кои што ја ограничуваа работата на отворено, деновиве продолжуваме со континуитетот во работата. Ја подобруваме патната инфраструктура во секој дел од нашата општина – стои во кусото соопштение од општина Прилеп.

Концерт на оперски арии, дуети и соло песни, во изведба на тенорот Илија Белистојаноски, сопранот Ана Митоска и пијанистот и професор Дарко Мариновски, ќе се одржи в петок 28 јули од 20.00 ч. во ЦК „Марко Цепенков“.

Концертот, поддржан од Министерството за култура, е богат музички мозаик од композиции, внимателно избрани бисери на музичката литература напишани од великаните Антонио Калдара, Џакомо Доницети, Волфганг Амадеус Моцарт, Георг Фридрих Хендел, Пиетро Маскањи, Џакомо Пучини, Џузепе Верди, Жил Масне, Марин Ламберт и Винченцо Белини.

-Секој од овие врвни музички мајстори ни оставил свое наследство во светот на операта и класичната музика, а изведувачите низ нивните интерпретации ќе ја донесат магијата на овие вистински музички чуда низ светот на емоциите, страста и чистината на вокалната изведба, додека Дарко Мариновски на пијаното ќе ги оплемени овие дела со своето мајсторство – велат од Центарот.

Податоци за изведувачите:

Илија Белистојаноски – дипломира соло пеење на Музичката Академија во Штип, во класата на реномираниот оперски пејач проф.Борис Трајанов. Учествува редовно на сите концерти во чест на проф. КостаТрпков, заедно со Оркестарот на Националната опера и балет. Дебитира на сцената на Националната опера и балет во операта “Macbeth” од G.Verdi во улогата Malcolm заедно со италијански кастинг. Редовно концертира низ сите градови во државата. Непосредно по дипломирањето, освојува прво место од стручното жири на натпреварот “Лазар Јованович” во Србија, Белград. Потоа освојува Гранд При на натпреварот “Руска Романсијада” во Бугарија, Софија и со тоа, влегува во 12-те финалисти каде што на финалниот натпревар во Москва ја освојува втората награда од стручното жири. Следи покана за концерт и настап во една од најголемите сали во светот “Кремлинскиот дворец” во Москва. Учествува на натпреварот за “Руска вокална музика” во Скопје каде го освојува второто место меѓу кој во жири беше еден од најголемите баси во Русија, заслужен артист проф. Леонид Сметаников. Влегува во финалните рунди на светскиот натпревар “Belvedere” во Рига-Латвија. Илија соработувал со познати педагози од музичкиот свет како : Michael Pabst и Linda Plech (Виена,Австрија), Danusa Luknisova и Miguel Gomez Paez (Пезаро,Италија) Elda Laro (Диригент,Германија), Paola Mariotti ( Италија) која е последна и лична пијанистка на Luciano Pavarotti, Nicholas Clapton (Англија) и др. Редовен учесник е на мастер-класите на една од најголемите примадони во Италија, проф.CapucineChiaudani. Одржува 3 концерти во Југоисточна Македонија во мај 2022 год, два концерти за дуо клавири, труба и глас во Кавадарци и Скопје во септември и настап по повод 78 годишнина од ослободувањето на Куманово во ноември. Настапува на Охридско лето по повод Денот на Македонскиот јазик 5 ти Мај во црквата,,Св. Софија” 2023 година.

Ана Митоска-сопран, дипломира соло пеење во класата на проф. Славица Галиќ – Петровска, на ФМУ – Скопје. Нејзиниот репертоар се базира врз старите стилови на пеење и почетоците на белкантото, со повеќегодишна концертна дејност и ангажмани како солист во театарска, филмска музика и изведба на византиски напеви. Учесник е на неколку мастер класеви во Македонија и во странство, под водство на Ема Киркби, Бенџамин Бегби, Катарина Ливјаниќ, Јосиф Герџиков, Михаило Арсенски, Питер Шишиоли и др. Бележи настапи во Македонија, Бугарија, Италија (Сабионета,Рим), Хрватска, соработувајќи со повеќе македонски и европски ансамбли, композитори и инструменталисти, најголем дел од областа на класичната и театарската музика.

Дарко Мариновски – пијанист, дипломирана ФМУ- Скопје 1997 год. Во класата на реномираниот професор Борис Романов. Магистерските студии ги завршува 2000 год. Под менторство на проф. Јасминка Чакар. За време на студиите одржува бројни настапи и концерти во Македонија во рамките на Скопско и Охридско лето, како и концерти во Р.Бугарија. Од завршувањето на студиите до летото 2013 работи како професор по пијано и корепетиција во МБУЦ ,,И. Н. Луј,, во Скопје. Неговите ученици бележат значајни резултати.Исто така учествув во работилниците по композиција во класите на проф.Илија Пејовски и проф. Томислав Зографски, кај кои и редовно ги посетуваше часовите по модална хармонија. Од јануари 2009 година е Декан на Факултетот за применета музика на Универзитетот за аудиовизуелни уметности ,,ЕСРА,, Париз-Скопје-Њујорк, која функција ја извршува до денес. На овој факултет ги предава предметите композиција на филмска и театарска музика, пијано, модална хармонија и музички стилови.Неговите студенти по композиција на филмска музика бележат значајни остварувања на разни манифестации низ земјава, како и на меѓународни филмски работилници и фестивали во БиХ, Бугарија, Хрватска, САД и други земји.

Aвто сервис и шлеп служба “Малибро” е компанија која успешно функционира во Прилеп, но за нивните услуги се јавуваат и од сите краишта на државата и странство.

Компанијата врши шлеп услуги, влечење и транспорт за сите видови возила и обезбедуваат брзи, сигурни и евтини услуги.

Од “Малибро” се подготвени да одговорат на сите ваши итни потреби за помош на пат, се со цел брзо, лесно и што побезболно да ги пребродите ваквите несакани последици.

Услугата од компанијата подразбира пристигнување во точно договорено време, пристигнување до саканата локација, кревање на возилото, транспорт до саканата локација, превоз на сопственикот на возилото во кабината, или ако сте во странство, во заменско возило кое ќе го обезбедат од компанијата.

Ете затоа “Малибро” за брзо време стана вистински лидер во оваа дејност во регионот.

Покрај шлеп услуги, од компанијата нудат и превоз со комбе Мерцедес VITO до 8 патници, како и најдобар квалитет на авто стакла и монтажа за сите видови на патнички и товарни возила.

Достапни се 24 часа на ден, 7 дена во неделата! Плаќање на фактура и со картичка! Запомнете го контактот, затоа што не знаете кога ќе ви затреба (070/700-120 и 071/855-100).

Пратениците на ВМРО-ДПМНЕ на денешната седница ќе гласаат против уставните измени, најави потпретседателот на партијата Александар Николоски на својот Фејсбук профил, порачувајќи им на Македонците да останат со крената глава, зошто нема да има попуштање.

„Има денови за историја! Ова е еден од нив!

ВМРО-ДПМНЕ нема да дозволи газење на македонскиот национален идентитет, негирање на македонската историја и култура.

Денес во Собрание ќе гласаме ПРОТИВ уставни измени!

НЕ за уцени и негирања!

Кај оваа генерација на ВМРО-ДПМНЕ УЦЕНИ НЕ ПОМИНУВААТ!

Да ја вратиме гордоста кај народот, ПОПУШТАЊА НЕМА!

Македонци гордо и со крената глава!“, порача Николоски.

И покрај пеколните горештини кои изминатите две недели го зафатија и Прилеп, возачите во Јавниот градски превоз без прекин си ги обавуваат работните обврски и ги превезуваат граѓаните без застој.

Нивната ангажираност е за секоја пофалба и секако треба да биде наградена и валоризирана од Јавното претпријатие за просторно и урбанистичко планирање, под чија надлежност е градскиот превоз.

Во моментов автобусите сообраќаат по летен режим и последното тргнување од почетните постојки е од 16ч.

Ваквиот начин на работа ќе трае до 03.09.